ക്ഷേത്രത്തിലും പരിസരത്തും സൗജന്യമായി സാനിറ്റൈസേഷൻ നടത്താൻ അനുവാദം വാങ്ങി അനധികൃതമായി പരസ്യചിത്രമെടുക്കുകയും കച്ചവടലാഭം ലക്ഷ്യമായി പ്രവർത്തികുകയും ചെയത കമ്പനിക്കെതിരെ പോലീസിൽ പരാതി നൽകിയതിന് പുറമേ കോടതിയെ സമീപിക്കാനും ദേവസ്വം ഭരണസമിതി തീരുമാനിച്ചു. ഹിന്ദുസ്ഥാൻ യൂണിലിവർ എന്ന കമ്പനി, നടി അനുശ്രി, സിക്‌സത് സെൻസ് എന്ന കമ്പനി ഉദ്യോഗസ്ഥനായ ശുഭം ദുബെ എന്നിവർക്കെതിരെയാണ് ഗുരുവായൂർ ദേവസ്വം സിവിൽകോടതിയെ സമീപിക്കുന്നത്. ഇവരിൽ നിന്ന് ഒരു കോടി രൂപ നഷ്ടപരിഹാരം ഈടാക്കാനും ഇവരുടെ കൈവശമുള്ള പരസ്യചിത്രം പ്രദർശിപ്പിക്കാതിരിക്കാനും ഇവരുടെ പക്കലുള്ള ഇലക്ട്രോണിക്‌സ് രേഖകൾ തിരിച്ച് വാങ്ങുന്നതിനുമായി വക്കീൽ നോട്ടീസ് അയക്കും. പരസ്യം ചിത്രീകരിക്കുന്നത് തടയാതിരുന്ന ജീവനക്കാരുടെ ഭാഗത്ത് നിന്നുണ്ടായ വീഴ്ച യെകുറിച്ച് അന്വേഷണം നടത്താൻ കമ്മിറ്റിയെയും നിയോഗിച്ചു. ദേവസ്വത്തിൽ നിന്ന് വിരമിച്ച ഡെപ്യൂട്ടി അഡ്മിനിസ്‌ട്രേറ്റർമാരായ സി.ശങ്കരനുണ്ണി, പി.എ.അശോക് കുമാർ എന്നിവർ കൺവീനർമാരായ കമ്മിറ്റിയെയാണ് അന്വേഷണത്തിന് ചുമതലപ്പെടുത്തിയിട്ടുള്ളത്.

കമ്മിറ്റി അന്വേഷണം നടത്തി ഒരാഴ്ചക്കകം റിപ്പോർട്ട് ദേവസ്വം ഭരണസമിതിക്ക് സമർപ്പിക്കണം. കഴിഞ്ഞ 12 മുതൽ 15 വരെ ക്ഷേത്രപരിസരത്ത് സാനിറ്റൈസേഷൻ നടത്താൻ കമ്പനി അനുവാദം വാങ്ങുകയും ഇതിന്റെ മറവിൽ പരസ്യചിത്രമെടുക്കുകയുമായിരുന്നു. നടി ഇൻസ്റ്റാഗ്രാം വഴി പരസ്യ ചിത്രം പുറത്ത് വിട്ടതിനെ തുടർന്നാണ് ദേവസ്വം അഡ്മിനിസ്‌ട്രേറ്റർ കഴിഞ്ഞ ദിവസം ടെമ്പിൾ പോലീസിൽ പരാതി നൽകിയത്. ക്ഷേത്രത്തിന് 20 മീറ്റർ ചുറ്റളവിൽ പരസ്യം സ്ഥാപിക്കുന്നതിനും പരസ്യചിത്രീകരണം നടത്തുന്നതിനും കോടതി വിലക്കുണ്ട്. ഇത് മറി കടന്നാണ് ചിത്രീകരണം നടത്തിയതെന്നാണ് പരാതി. . ക്ഷേത്രപരിസരത്ത് പരസ്യചിത്രമെടുത്തതിനെതിരെ ഭക്തസംഘടനകൾക്കിടയിൽ വ്യാപക പ്രതിഷേധവുമുണ്ട്.

ഉദയാസ്തമനപൂജ, ചുറ്റുവിളക്ക് എന്നിവ വഴിപാടാക്കിയ ഓരോരുത്തർക്കും 10 പേരെ വീതം നാലമ്പലത്തിലേക്ക് പ്രവേശിപ്പിക്കാനും അനുമതി നൽകി. ഒരു ദിവസം മൂന്ന് ഉദയാസ്തമന പൂജ വരെ നടത്താം. പുതുതായി ഉദയാസ്തമന പൂജ ബുക്ക് ചെയ്യുന്നവർക്ക് ഒറ്റതവണയായി അഞ്ച് പേർക്ക് നാലമ്പലത്തിലേക്ക്് പ്രവേശിക്കാനും അനുമതി നൽകി. നിയന്ത്രിതമായ രീതിയിൽ ഉത്സവം നടത്തുന്നതിന് വേണ്ട ക്രമീകരണങ്ങൾ ഏർപ്പെടുത്താൻ വിവിധ വകുപ്പ് തലവന്മാർക്ക് നിർദേശം നൽകും. ഉത്സവം നടത്തുന്നതുമായി ബന്ധപ്പെട്ട് നഗരസഭ, ആരോഗ്യവിഭാഗം, പോലീസ് എന്നിവരുടെ യോഗം വിളിക്കുന്നതിന് കളക്ടർ, എം.എൽ.എ എന്നിവർക്ക് കത്ത് നൽകും. ക്ഷേത്രത്തിലെ എല്ലാ പണമിടപാട് കൗണ്ടറുകളിലും സി.സി.ടി.വി കാമറകൾ സ്ഥാപിക്കാനും യോഗം തീരുമാനിച്ചു. ചെയർമാൻ അഡ്വ.കെ.ബി.മോഹൻദാസ് അധ്യക്ഷത വഹിച്ചു.

കണക്കുകളുടെ കവിടി നിരത്തി സായൂജ്യമടയുന്ന നേതൃത്വമല്ല, മറിച്ച് ത്യാഗസന്നദ്ധതയും ആത്മാർത്ഥതയും സന്നിവേശിപ്പിച്ച വി.ബാലറാമിനെപ്പോലുള്ളവരുടെ മാതൃകാപരമായ നേതൃത്വമാണ് കോൺഗ്രസ്സിന് ഈ ദുർഘട സന്ധിയിൽ അനിവാര്യമെന്ന് കെ.മുരളീധരൻ എം.പി. അഭിപ്രായപ്പെട്ടു. ആശയാധിഷ്ഠിതമായ ഗ്രൂപ്പല്ല, ആമാശയ നിവൃത്തിയുടെ ഗ്രൂപിനടിപ്പെട്ടതാണ് സംഘടനയുടെ പരാജയ കാരണമെന്നും ആത്മവിമർശനമദ്ധ്യേ അദ്ദേഹം തുറന്നു പറഞ്ഞു. 2011 ലെ അസംബ്ലി തിരഞ്ഞെടുപ്പിൽ ഡി.സി.സി.പ്രസിഡണ്ടെന്ന നിലക്ക് വി.ബാലറാം നൽകിയ സംഭാവന എക്കാലവും കോൺഗ്രസ്സ് പ്രവർത്തകർക്ക് മാതൃകയാണെന്നും മുരളീധരൻ തുടർന്നു പറഞ്ഞു.

ട്രസ്റ്റ് പ്രസിഡന്റ് സി.എ.ഗോപപ്രതാപൻ അദ്ധ്യക്ഷത വഹിച്ച ചടങ്ങിൽ കെ.പി.സി.സി. ട്രഷറർ കെ.കെ. കൊച്ചുമുഹമ്മദ്, മുൻ എം.എൽ.എ. ടി.വി.ചന്ദ്രമോഹൻ, കെ.പി.സി.സി സെക്രട്ടറി ടി.യു.രാധാകൃഷ്ണൻ, കെ.പി.സി.സി. നിർവ്വാഹക സമിതി അംഗം പി.കെ.അബൂബക്കർ ഹാജി, മുസ്ലിം ലീഗ് സംസ്ഥാന സെക്രട്ടറി സി.എച്ച്.റഷീദ്, ബ്ലോക്ക് പഞ്ചായത്ത് പ്രസി:മിസ്രിയ മുസ്താഖ് അലി, അർബൻ ബാങ്ക് പ്രസിഡണ്ട് വി.വേണുഗോപാൽ, ബാർ കൗൺസിൽ ഓഫ് ഇൻഡ്യ മുൻ എക്സി: ചെയർമാൻ ടി.എസ്.അജിത്, ട്രസ്റ്റ് സെക്രട്ടറി വി.കെ.ജയരാജൻ, യു.ഡി.എഫ്. നിയോജക മണ്ഡലം കൺവീനർ കെ.നവാസ്, ടി.എൻ.മുരളി, ജി.കെ.പ്രകാശ്, പ്രസ് ക്ലബ് പ്രസി:ആർ.ജയകുമാർ, അരവിന്ദൻ പല്ലത്ത് തുടങ്ങിയവർ സംസാരിച്ചു. ജീവകാരുണ്യ, വിദ്യാഭ്യാസ, ചികിത്സാ സഹായ, പെൻഷൻ വിതരണോദ്ഘാടനങ്ങളും ചടങ്ങിനോടനുബന്ധിച്ച് നടന്നു.

സംസ്ഥാനത്തെ മുഴുവന്‍ തദേശസ്ഥാപനങ്ങളിലെയും തെരുവുവിളക്കുകള്‍ എല്‍.ഇ.ഡി.യാക്കുന്നതിന് സര്‍ക്കാര്‍ തലത്തില്‍ നടപ്പാക്കുന്ന പദ്ധതിയാണ് ”നിലാവ്”. ചില വാര്‍ഡുകളില്‍ മാത്രമാണ് വിളക്കുകള്‍ കത്താത്തതെന്നും മറ്റിടങ്ങളില്‍ പ്രശ്‌നമില്ലെന്നും എല്‍.ഡി.എഫ്. അംഗം എം.ആര്‍.രാധാകൃഷ്ണന്‍ പറഞ്ഞു.നഗരസഭാ പരിധിയിലെ ഇലക്ട്രീഷന്‍മാര്‍ക്ക് താത്കാലിക നിയമനം നല്‍കാന്‍ സര്‍ക്കാരിനോട് ആവശ്യപ്പെടണമെന്ന യു.ഡി.എഫ്. നിര്‍ദേശം പരിഗണിക്കാമെന്ന് നഗരസഭാ അധ്യക്ഷ പറഞ്ഞു.

നഗരസഭയുടെ 2021-22 വാര്‍ഷിക പദ്ധതി തയ്യാറാക്കുന്നതിന് വര്‍ക്കിംഗ് ഗ്രൂപ്പും വാര്‍ഡ് സഭകളും ചേരാന്‍ തീരുമാനിച്ചു.വിവിധ പൊതുമരാമത്ത് പ്രവര്‍ത്തികള്‍ക്ക് ലഭിച്ച 20 ലക്ഷം രൂപയുടെ ഓഫറുകള്‍ അംഗീകരിച്ചു.നഗരസഭിലെ ശുചീകരണ ജീവനക്കാരുടെ എണ്ണം ഇരുപതില്‍നിന്ന് ആനുപാതികമായി ഉയര്‍ത്താന്‍ സര്‍ക്കാരിന്റെ അനുമതി തേടാനും തീരുമാനിച്ചു.സാമൂഹ്യ സുരക്ഷാ പെന്‍ഷന്‍ നല്‍കുന്നതിനായി മൂന്ന് മസ്റ്ററിംഗ് ഉപകരണങ്ങള്‍ വാങ്ങും.ഹരിത കര്‍മ്മ സേന അംഗങ്ങള്‍ ശേഖരിയ്ക്കുന്ന അജൈവ മാലിന്യങ്ങള്‍ തരം തിരിച്ച് വിപണനം ചെയ്യാന്‍ ക്ലീന്‍ കേരള കമ്പനിയുമായി കരാരിലേര്‍പ്പെടാനും ജൈവ വൈവിധ്യ മാനേജ്‌മെന്റ് കമ്മിറ്റി പുന:സംഘടിപ്പിക്കാനും തീരുമാനിച്ചു.നഗരസഭ വൈസ് ചെയര്‍മാന്‍ കെ.കെ.മുബാറക്, കെ.വി.സത്താര്‍, വി.ജെ.ജോയ്‌സി, ഷാഹിദ മുഹമ്മദ്, ബുഷറ ലത്തീഫ്, ഷാഹിന സലീം തുടങ്ങിയവര്‍ പ്രസംഗിച്ചു.

കിഫ്ബിക്ക് കൈമാറാനായി സ്വന്തം വരുമാനത്തില്‍ നിന്നും സര്‍ക്കാര്‍ മാറ്റിവെച്ച പെട്രോളിയം സെസ്, മോട്ടോര്‍ വാഹന നികുതി വിഹിതം എന്നിവയില്‍ നിന്നാണ് ഇത് തിരിച്ചടക്കേണ്ടത്. ഈ കടമെടുപ്പില്‍ വിദേശരാജ്യങ്ങളില്‍ നിന്നും മസാല ബോണ്ടുകള്‍ വഴി ലഭ്യമായ 2,150 കോടിയും ഉള്‍പ്പെടുന്നുവെന്നും റിപ്പോര്‍ട്ടിലുണ്ട്. കിഫ്ബിക്ക് വരുമാന സ്രോതസുകളൊന്നും ഇല്ലാത്തതിനാല്‍ സംസ്ഥാന സര്‍ക്കാര്‍ ഗ്യാരണ്ടി നല്‍കിയ കിഫ്ബിയുടെ കടമെടുപ്പുകള്‍ ആത്യന്തികമായി സംസ്ഥാനത്തിന്റെ പ്രത്യേക്ഷ ബാധ്യതകളായി മാറും. ഇത്തരം കടമെടുപ്പുകള്‍ സര്‍ക്കാര്‍ തിരിച്ചടയ്ക്കുന്ന പക്ഷം പതിനാലാം ധനകാര്യകമ്മീഷന്റെയും കേരള സാമ്പത്തിക ഉത്തരവാദിത്വ നിയമത്തിലെയും ധനക്കമ്മിയുടെ മൂന്ന് ശതമാനമെന്ന പിരിധിയും കടം ജിഎസ്ഡിപി അനുപാതത്തിന്റെ 30 ശതമാനമെന്ന പരിധിയും മറികടക്കുന്നതിന് അനിവാര്യമാക്കും. നിലവില്‍ ധനക്കമ്മി 3.45 ശതമാനമാണ്. കടമാകട്ടെ, ജിഎസ്ഡിപി അനുപാതത്തിന്റെ 30.91 ശതമാനവും. ഇത്തരം കടമെടുപ്പുകള്‍ ഇന്ത്യന്‍ ഭരണഘടനയുടെ 293(1) വകുപ്പിന് അനുസൃതവുമല്ലെന്ന് സിഎജി ചൂണ്ടിക്കാട്ടുന്നു.

സംസ്ഥാനത്തിന്റെ മൊത്തം സാമ്പത്തിക ബാധ്യതയില്‍ വിപണി വായ്പകള്‍ക്ക് പ്രമുഖ പങ്കുണ്ട്. ഇത് 54 ശതമാനമാണ്. 2018-19 കാലയളവില്‍ സംസ്ഥാനത്തിന് വികസന കാര്യങ്ങള്‍ക്ക് വേണ്ടി ലഭ്യമായ കടം 3168 കോടി രൂപ മാത്രമാണ്. പൊതുകടമാകട്ടെ വരവിന്റെ 13 ശതമാനം മാത്രം. കാലാവധി പൂര്‍ത്തിയാക്കല്‍ രൂപരേഖ പ്രകാരം കടത്തിന്റെ ഏകദേശം 51.22 ശതമാനം, അതായത് 81,056.92 കോടി രൂപ 2026 മാര്‍ച്ചിനുള്ളില്‍ തിരിച്ചടയ്ക്കണമെന്നും സിഎജി റിപ്പോര്‍ട്ടില്‍ സൂചിപ്പിക്കുന്നു. സംസ്ഥാന സമ്പദ് വ്യവസ്ഥയെ കുറിച്ചുള്ള ഓഡിറ്റ് റിപ്പോര്‍ട്ടില്‍ സര്‍ക്കാരിന്റെ സാമ്പത്തിക സ്ഥിതിയുടെ വിശദമായ കാഴ്ചപ്പാടുണ്ട്. സംസ്ഥാനത്തിന്റെ മൊത്തത്തിലുള്ള സാമ്പത്തിക സ്ഥിതി ഇപ്രകാരമാണ്: യുഡിഎഫ് സര്‍ക്കാരിന്റെ കാലത്ത് റവന്യൂ കമ്മി 13,796 കോടിയായിരുന്നു. എന്നാലത് ഇപ്പോള്‍ 17,462 കോടിയായി വര്‍ധിച്ചു.

ധനക്കമ്മി യുഡിഎഫ് കാലത്ത് 18,642 കോടിയായിരുന്നു. ഇപ്പോഴത് 26,958 കോടിയായി ഉയര്‍ന്നു. മിതകാല സാമ്പത്തിക സാമ്പത്തിക പദ്ധതിയിലും കേരള സാമ്പത്തിക ഉത്തരവാദിത്വ നിയമത്തിലുമുള്ള ലക്ഷ്യങ്ങളൊന്നും കൈവരിക്കുന്നതിന് പിണറായി സര്‍ക്കാരിന് കഴിഞ്ഞിട്ടില്ല. പതിനാലാം ധനകാര്യ കമ്മീഷന്‍ ശുപാര്‍ശ പ്രകാരം ധനക്കമ്മി ജിഎസ്ഡിപി അനുപാതം മൂന്ന് ശതമാനത്തില്‍ നിലനിര്‍ത്തേണ്ടതാണ്. എന്നാല്‍ ഇക്കഴിഞ്ഞ സാമ്പത്തിക വര്‍ഷം അത് 3.4 ശതമാനമായി ഉയര്‍ന്നുവെന്ന കാര്യം പ്രത്യേകം ചൂണ്ടിക്കാണിക്കുന്നുണ്ട്.

പി.ടി.മോഹനകൃഷ്ണൻ, സി.എൻ.ബാലകൃഷ്ണൻ എന്നിവരുടെ ഛായാചിത്രങ്ങളും സി.സി.ശ്രീകുമാർ പ്രകാശനം ചെയ്തു. മണ്ഡലം പ്രസിഡണ്ടു് ഒ.കെ.ആർ.മണികണ്ഠൻ അദ്ധ്യക്ഷത വഹിച്ചു. ബ്ലോക്ക് വൈസ് പ്രസിഡണ്ടുമാരായ പി.ഐ. ലാസർ ബാലൻ വാറണാട്ട് , ബാലകൃഷ്ണൻ മടപ്പാട്ടിൽ . യൂത്ത് കോൺസ്സ് മണ്ഡലം പ്രസിഡണ്ടും, കൗൺസിലറുമായ സി.എസ്.സൂരജ്, മുൻ നഗരസഭ കൗൺസിലർമാരായ ഷൈലജ ദേവൻ, സുഷാ ബാബു, സി.അനിൽകുമാർ, മണ്ഡലം സെക്രട്ടറിമാരായ. ബാബുരാജ് ഗുരുവായൂർ, എ.കെ.ഷൈമിൽ, മുരളി ചിറ്റാട; ഒ.പി.ജോൺസൺ, ബഷീർ കുന്നിയ്ക്കൽ, പ്രമീള ശിവശങ്കരൻ ,എൻ.വാസുദേവൻ നായർ ,പി.എം.മുഹമ്മദുണ്ണി, സി.ശിവശങ്കരൻ ,ഹൂ മയൂൺ കബീർ, നവനീത് കണ്ണൻ എന്നിവർ  പ്രസംഗിച്ചു

പത്തനംതിട്ട: അടൂർ സബ്സിഡിയറി പൊലീസ് കാൻറീൻ നടത്തിപ്പിൽ അഴിമതി ആരോപണവുമായി കെഎപി മൂന്നാം ബെറ്റാലിയൻ കമാണ്ടന്റ് ജെ. ജയനാഥ് ഐപിഎസ്. ഇത് ചൂണ്ടിക്കാട്ടി സംസ്ഥാന പൊലീസ് മേധാവിക്ക് ജയനാഥ് റിപ്പോർട്ട് നൽകി. കാന്റിനിലേക്ക് സാധനങ്ങൾ വാങ്ങുന്നതിലും ഗുരുതര സാമ്പത്തിക ക്രമക്കേടുകൾ ഉണ്ടെന്നാണ് ആരോപണം.

2018- 2019 കാലഘട്ടത്തിൽ പൊലീസ് കാന്റീനിൽ 42,29,956 രൂപയുടെ ചെലവാകാൻ സാധ്യത ഇല്ലാത്ത സാധനങ്ങൾ വാങ്ങിക്കൂട്ടിയിട്ടുണ്ടെന്നാണ് ജയനാഥ് ഐപിഎസിന്റെ റിപ്പോർട്ടിലെ പ്രധാന കണ്ടെത്തൽ. ഉന്നത ഉദ്യോഗസ്ഥരുടെ വാക്കാൽ ഉള്ള നിർദേശ പ്രകാരമാണ് ഇത്തരത്തിലുള്ള വാങ്ങിക്കൂട്ടൽ നടന്നത്. പൊലീസ് ആസ്ഥാനത്തെ ഒരു വനിത ഉദ്യേഗസ്ഥയുടെ നിർദേശവും ഇതിന്റെ പിന്നിലുണ്ടെന്ന് റിപ്പോർട്ടിൽ പരാമർശിക്കുന്നു.

ഇതിന് പുറമെ കാന്റീനിൽ നിന്ന് 11,33,777 രൂപയുടെ സാധനങ്ങൾ കാണാനില്ലെന്നും 2,24.342 രൂപയുടെ കണക്കിൽപ്പെടാത്ത സാധനങ്ങൾ കണ്ടെത്തിയെന്നും റിപ്പോർട്ടിൽ പറയുന്നു. പ്രതിവർഷം 15 മുതൽ 20 കോടി രൂപ വരെ വിൽപ്പന നടക്കുന്ന കേരളത്തിലെ ചെറിയ കാന്റീനുകളിൽ ഒന്നാണ് അടൂർ. ഇവിടെ പോലും ഇത്രയധികം ക്രമക്കേടുകൾ നടക്കുന്നുണ്ടെങ്കിൽ മറ്റ് കാന്റീനുകളിലും ഇതുപോലുള്ള പ്രവർത്തനങ്ങൾ നടക്കുന്നുണ്ടെന്നും ജയനാഥ് ഐപിഎസ് ചൂണ്ടിക്കാട്ടുന്നു.

കാന്റീൻ പ്രവർത്തനങ്ങൾ സ്വതന്ത്രമായാ ഓഡിറ്റിങ്ങിന് വിധേയമാക്കണമെന്നും നിലവിലുള്ള കാന്റീൻ കമ്മിറ്റികൾ പൊളിച്ചെഴുതിയാൽ മാത്രമെ കൂടുതൽ ക്രമക്കേടുകൾ പുറത്ത് കൊണ്ട് വരാൻ കഴിയു എന്നും ജയനാഥ് പറയുന്നു. പൊലീസിന് പുറത്തുള്ള ഏജൻസിയെ അന്വേഷണം ഏൽപ്പിക്കണമെന്നുമാണ് റിപ്പോർട്ടിലെ ആവശ്യം. ഉന്നത പൊലീസ് ഉദ്യോഗസ്ഥർക്കെതിരെ നിരന്തരമായ ആരോപണങ്ങൾ ഉന്നയിക്കുന്നതിന് ജയനാഥ് വകുപ്പുതല അന്വേഷണം നടക്കുന്നതിനിടയിലാണ് അഴിമതി പുറത്തുകാട്ടിയുള്ള റിപ്പോർട്ട്.