![](https://malayalamdaily.in/wp-content/uploads/2019/04/wayanad-thovari-hill.jpg)
വയനാട് തൊവരിമലയിലെ കയ്യേറ്റം ഒഴിപ്പിച്ചു
കൽപ്പറ്റ: വയനാട് തൊവരിമല ഹാരിസൺ മലയാളം പ്ലാന്റേഷനോടു ചേർന്നുള്ള ഭൂമി കൈയേറ്റം ഒഴിപ്പിച്ചു. വനഭൂമി കൈയേറിയ ഭൂസമരസമിതി പ്രവർത്തകരെ പോലീസും വനംവകുപ്പും ചേർന്നാണ് ഒഴിപ്പിച്ചത്. സമരസമിതി നേതാക്കളെ അറസ്റ്റ് ചെയ്തു നീക്കിയ ശേഷമായിരുന്നു ഒഴിപ്പിക്കൽ. പ്രദേശത്തേക്ക് മാധ്യമങ്ങൾക്ക് പ്രവേശന വിലക്കേർപ്പെടുത്തിയിരുന്നു.
ഞായറാഴ്ചയാണ് സിപിഎം-എൽ റെഡ്സ്റ്റാർ നിയന്ത്രണത്തിലുള്ള അഖിലേന്ത്യ ക്രാന്തി കിസാൻ സഭ, ഭൂസമരസമിതി എന്നിവരുടെ നേതൃത്വത്തിൽ തൊവരിമലയിൽ മിച്ചഭൂമിയിൽ അവകാശം സ്ഥാപിച്ച് ഭൂസമരം ആരംഭിച്ചത്. സമരനേതാക്കളുമായി പ്രാഥമിക ചർച്ചകൾ നടത്തിയെങ്കിലും അനുകൂല തീരുമാനമുണ്ടാകാതെ കൈയേറ്റ ഭൂമി വിട്ടിറങ്ങില്ലെന്നായിരുന്നു സമരക്കാരുടെ നിലപാട്. ഇതോടെയാണ് സർക്കാരിന്റെ ഒഴിപ്പിക്കൽ നടപടി.
![Astrologer](https://malayalamdaily.in/wp-content/uploads/2022/04/ad_100x700-pixels-01.jpg-scaled.jpg)
1970 ൽ അച്യുതമേനോൻ സർക്കാറിന്റെ കാലത്ത് എച്ച്എംഎല്ലിൽ നിന്ന് പിടിച്ചെടുത്ത ഭൂമി ഭൂരഹിതർക്ക് വിതരണം ചെയ്യണമെന്നും ഇതിനായി സർക്കാർ നിയമനിർമ്മാണം നടത്തണമെന്നുമാണ് ഭൂസമര സമിതിയുടെ ആവശ്യം
![Vadasheri Footer](https://malayalamdaily.in/wp-content/uploads/2023/07/WhatsApp-Image-2023-07-17-at-10.53.36-PM.jpeg)