പാലാരിവട്ടം മേല്പ്പാലത്തിന്റെ പുനര്നിര്മാണം ഡിഎംആര്സിക്ക്
തിരുവനന്തപുരം: പാലാരിവട്ടം മേല്പ്പാലത്തിന്റെ പുനര്നിര്മാണം ഡിഎംആര്സിയെ ഏല്പ്പിക്കാന് തീരുമാനം. ബുധനാഴ്ച ചേര്ന്ന മന്ത്രിസഭ യോഗത്തിലാണ് തീരുമാനമായത്. പാലം പുതുക്കി പണിയണമെന്ന ഇ ശ്രീധരന്റെ അഭിപ്രായം സ്വീകരിക്കാനാണ് പാലത്തിന്റെ പുനര്നിര്മാണം സംബന്ധിച്ച് സര്ക്കാര് നിയോഗിച്ച വിദഗ്ധ സമിതിയുടെ ശുപാര്ശകള്.
പാലത്തിന്റെ പുനര്നിര്മാണം ഏറ്റെടുക്കാമെന്ന ദില്ലി മെട്രോ റെയില് കോര്പ്പറേഷന്റെ (ഡിഎംആര്സി) വാഗ്ദാനം സ്വീകരിച്ചാണ് പുനര്നിര്മാണം ഏല്പ്പിക്കുന്നത്. പാലത്തിന്റെ തകരാര് കാരണം നഷ്ടം വന്ന തുക ബന്ധപ്പെട്ട കോണ്ട്രാക്ടറില് നിന്ന് ഈടാക്കുന്നതിന് റോഡ്സ് ആന്റ് ബ്രിഡ്ജസ് ഡവലപ്മെന്റ് കോര്പ്പറേഷന് നിര്ദേശം നല്കും. ഈ തീരുമാനങ്ങള് ഹൈക്കോടതിയെ അറിയിക്കാനും മന്ത്രിസഭാ യോഗത്തില് തീരുമാനമായി.
പുതുക്കി പണിതാല് പാലത്തിന് 100 വര്ഷം ആയുസ് ലഭിക്കുമെന്നാണ് ശ്രീധരന് സര്ക്കാരിനു നല്കിയ റിപ്പോര്ട്ട്. അതേസമയം സംസ്ഥാന ജൂനിയര് അത്ലറ്റിക് മത്സരത്തിനിടെ ഹാമര് തലയില് വീണ് മരണപ്പെട്ട അഭീല് ജോണ്സന്റെ കുടുംബത്തിന് മുഖ്യമന്ത്രിയുടെ ദുരിതാശ്വാസനിധിയില് നിന്നും പത്ത് ലക്ഷം രൂപ സഹായം അനുവദിക്കാന് മന്ത്രിസഭായോഗം തീരുമാനിച്ചു. ന് ചീഫ് സെക്രട്ടറി എസ്.എം വിജയാനന്ദ് ചെയര്മാനായി ആറാം സംസ്ഥാന ധനകാര്യ കമ്മിഷന് രൂപീകരിക്കാനും മന്ത്രിസഭ യോഗം തീരുമാനിച്ചു.
കോടതി പരസ്യം
ബഹു : ചാവക്കാട് സബ് കോടതി മുൻപാകെ
OS 60 / 2019
സുലൈമാൻ…………………………………………………….അന്യായം
ചാവക്കാട് താലൂക്ക് ഒരുമനയൂർ അംശം ദേശത്ത് (പി ഒ ഒരുമനയൂർ 680 512 ) കോതോട്ടിൽ അപ്പുകുട്ടൻ നായർ മകൻ 52 വയസ് അനിൽ കുമാർ …………………………………………എതൃ കക്ഷി …. പ്രതി
മേൽ നമ്പ്രി ലെ പ്രതിക്ക് സമൻസ് കോടതിയിലും വാസ സ്ഥലത്തും വില്ലേജിലും പതിച്ചു നടത്തുന്നതിനായി 03 /12/2 019 തിയ്യതിക്ക് വെച്ചിട്ടുള്ളതാണ് . ടി കാര്യത്തിൽ ആർക്കെങ്കിലും ആക്ഷേപമുണ്ടെങ്കിൽ അന്നേ ദിവസം കാലത്ത് 11 മണിക്ക് ബഹു : കോടതി മുൻപാകെ ഹാജരായി ബോധിപ്പിക്കേണ്ടതാണെന്ന വിവരം ഇതിനാൽ അറിയിച്ചു കൊള്ളുന്നു .
എന്ന് ,പി മുഹമ്മദ് ബഷീർ ,അഡ്വക്കേറ്റ്. ചാവക്കാട്