ഡി.വൈ .എഫ്.ഐ -എസ്ഡിപിഐ സംഘട്ടനം ,എസ്ഡിപിഐ പ്രവർത്തകൻ അറസ്റ്റിൽ .
ചാവക്കാട്: കടപ്പുറം വെളിച്ചെണ്ണപ്പടിയിൽ എസ്എഫ്ഐ-എസ്ഡിപിഐ പ്രവർത്തകർ തമ്മിലുണ്ടായ സംഘട്ടനത്തിൽ ഒരു എസ്ഡിപിഐ പ്രവർത്തകനെ പൊലീസ് അറസ്റ്റ് ചെയ്തു.കടപ്പുറം ഗ്രാമ പഞ്ചായത്ത് പുതിയങ്ങാടി ബുഹാറയിൽ കീപ്പാട്ട് ഹുസൈൻ മകൻ ആഷിഖിനെയാണ്(23)എസ്എച്ച്ഒ അനിൽകുമാർ ടി.മേപ്പിള്ളി,എസ്ഐ.യു.കെ.ഷാജഹാൻ എന്നിവരുടെ നേതൃത്വത്തിൽ അറസ്റ്റ് ചെയ്തത്.
.കഴിഞ്ഞ ദിവസം ഉണ്ടായ സംഘട്ടനത്തിൽ 7 എസ്ഡിപിഐ പ്രവർത്തകർക്കെതിരെയും,6 ഡി.വൈ .എഫ്.ഐ പ്രവർത്തകർക്കെതിരെയും കേസെടുത്തിരുന്നു.വെളിച്ചെണ്ണപ്പടിയിലെ സിപിഎം ബ്രാഞ്ച് ഓഫീസിനടുത്ത് എസ്ഡിപിഐ പ്രവർത്തകർ തിരഞ്ഞെടുപ്പ് ചിഹ്നം പതിക്കുകയും,അത് ഡി.വൈ .എഫ്.ഐ പ്രവർത്തകർ കീറിയെന്നുമുള്ള തർക്കമാണ് സംഘട്ടനത്തിൽ കലാശിച്ചത്.പിന്നീട് ചാവക്കാട്ടെ സ്വകാര്യ ആശുപത്രിയിലും ഇരുകൂട്ടരും സംഘട്ടനത്തിലേർപ്പെട്ടു.
