ഗുരുവായൂരിൽ സ്റ്റേറ്റ് ബാങ്ക് ജീവനക്കാരുടെ ഏകാദശി വിളക്ക് 21 ന്

">

ഗുരുവായൂർ : ഗുരുവായൂർ ഏകാദശിയോടനുബന്ധിച്ച് സ്റ്റേറ്റ് ബാങ്ക് ജീവനക്കാരും ,വിരമിച്ച ജീവനക്കാരും കൂടി നടത്തുന്ന വിളക്കാ ഘോഷം ഒക്ടോബർ 21 ന് ഞായറാഴ്ച നടത്തുമെന്ന് സംഘാടകർ വാർത്ത സമ്മേളനത്തിൽ അറിയിച്ചു .ക്ഷേത്രത്തിനകത്തും പുറത്തും നെയ് വിളക്കാണ് തെളിയുക . രാവിലെ ഏഴിന് ഒരാനയുടെ അകമ്പടിയോടെ കാഴ്ച ശീവേലി നടക്കും കിഴക്കൂട്ട് അനിയൻ മാരാരുടെ നേതൃത്വത്തിലുള്ള പാഞ്ചാരി മേളം ,വൈകീട്ട് 3 നും രാത്രി 9 ന് വിളക്ക് എഴുന്നള്ളിപ്പിനും ചോറ്റാനിക്കര നന്ദപ്പൻ മാരാർ നയിക്കുന്ന പഞ്ച വാദ്യം അരങ്ങേറും .രാത്രിയിലെ കാഴ്ചശീവേലിക്ക് മൂന്നാനകൾ അണിനിരക്കും .ഗജരത്‌നം പത്മനാഭൻ കോലമേറ്റും . പുറത്ത് മേൽപ്പത്തൂർ ആഡിറ്റോറിയത്തിൽ ബാങ്ക് ജീവനക്കാരുടെ വിവിധ കലാപരിപാടികൾ അരങ്ങേറും .പണം കൊടുത്ത് നടത്തുന്ന സ്റ്റേജ് പരിപാടികൾ ഈ വർഷം വേണ്ടെന്ന് വച്ചു അതിന്റെ തുകയായ ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകും വാർത്ത സമ്മേളനത്തിൽ റീജണൽ മാനേജർ പത്മജൻ ടി കാളിയമ്പത്ത്‌ ,മാനേജർ സതീശൻ എം എം പ്രകാശൻ തുടങ്ങിയവർ സംബന്ധിച്ചു

Leave a Reply

Your email address will not be published. Required fields are marked *

Sponsors