1000 by 319 pixels

ബി.ആര്‍. ഷെട്ടി വീണ്ടും യു.എ.ഇയിലേക്ക്​ മടങ്ങാനൊരുങ്ങുന്നു.

Star

മംഗലാപുരം : സാമ്ബത്തിക ക്രമക്കേടിനെയും കടബാധ്യതയെയും തുടര്‍ന്ന്​ നാടുവിട്ട പ്രമുഖ ഇന്ത്യന്‍ വ്യവസായിയും എന്‍.എം.സി ഹെല്‍ത്ത്​ ചെയര്‍മാനുമായിരുന്ന ബി.ആര്‍. ഷെട്ടി വീണ്ടും യു.എ.ഇയിലേക്ക്​ മടങ്ങാനൊരുങ്ങുന്നു. ഷെട്ടി തന്നെയാണ്​ ഇക്കാര്യം പ്രസ്​താവനയില്‍ അറിയിച്ചത്​. യു.എ.ഇയിലെ നീതിന്യായ വ്യവസ്​ഥയില്‍ വിശ്വാസമുണ്ടെന്നും ഉടന്‍ മടങ്ങുമെന്നും ​ ഷെട്ടി അറിയിച്ചു.

യു.എ.ഇ അധികൃതരെ സത്യം ബോധ്യപ്പെടുത്തനാവുമെന്നാണ്​ പ്രതീക്ഷ. കമ്ബനിക്കും ജീവനക്കാര്‍ക്കും ഓഹരി ഉടമകള്‍ക്കുമുണ്ടായ നഷ്​ടങ്ങള്‍ പരിഹരിക്കും. താന്‍ യു.എ.ഇയില്‍നിന്ന്​ മുങ്ങിയതല്ല. രോഗിയായ സഹോദരനെ സന്ദര്‍ശിക്കാനാണ്​ ഫെബ്രുവരിയില്‍ ഇന്ത്യയിലെത്തിയത്​. അദ്ദേഹം മാര്‍ച്ചില്‍ മരിച്ചു. എന്‍.എം.സിയിലും ഫിനാബ്ലറിലും എ​െന്‍റ കുടുംബത്തി​െന്‍റ ഉടമസ്​ഥതയിലുള്ള മറ്റ്​ കമ്ബനികളിലും നടന്ന ക്രമക്കേടുകളെ കുറിച്ച്‌​ അന്വേഷിച്ചിരുന്നു.

തട്ടിപ്പ്​ നടത്തിയത്​ ആരൊക്കെയാണെന്ന്​ ബോധ്യമായി. ഇവരെ നിയമത്തിന്​ മുന്നില്‍ കൊണ്ടുവരാന്‍ കൂടിയാണ്​ യു.എ.ഇയിലേക്ക്​ പോകുന്നത്​. ഇപ്പോള്‍ ഇന്ത്യയിലുള്ള തട്ടിപ്പുകാര്‍ക്കെതിരെ ​ക്രിമിനല്‍ കേസ്​ നല്‍കിയിട്ടുണ്ട്​്. ഇവരുടെ തട്ടിപ്പ്​ മൂലം കമ്ബനികള്‍ക്ക് വലിയ വെല്ലുവിളികളുണ്ടാവുകയും ജീവനക്കാര്‍ക്ക് ബുദ്ധിമുട്ട്​ സൃഷ്​ടിക്കുകയും വിതരണക്കാര്‍ക്ക് തടസ്സമുണ്ടാക്കുകയും ചെയ്​തു. തനിക്കും ഓഹരി ഉടമകള്‍ക്കും വന്‍ നഷ്​ടമാണുണ്ടായതെന്നും ഷെട്ടി പറഞ്ഞു. തട്ടിപ്പ്​ നടത്തിയെന്നാരോപിച്ച്‌​ മലയാളി സഹോദരന്‍മാരു​ം ഷെട്ടിയുടെ സ്​ഥാപനത്തിലെ സീനിയര്‍ ഉദ്യോഗസ്​ഥരുമായിരുന്നു പ്രശാന്ത്​ മങ്ങാട്ടിനും പ്രമോദ്​ മങ്ങാട്ടിനുമെതിരെ ഷെട്ടി ഇന്ത്യയില്‍ പരാതി നല്‍കിയിരുന്നു.

ഇന്ത്യന്‍ ബാങ്കുകള്‍ക്കും തട്ടിപ്പില്‍ പങ്കുണ്ടെന്നായിരുന്നു ഷെട്ടിയുടെ ആരോപണം. കോടിക്കണക്കിന്​ രൂപയുടെ കടബാധ്യത കേസ്​ വന്നതിന്​ പിന്നാലെയാണ്​ ബി.ആര്‍. ഷെട്ടി യു.എ.ഇ വിട്ടത്​. ഇതോടെ അദ്ദേഹത്തി​െന്‍റ ഉടമസ്​ഥതയിലുള്ള സ്​ഥാപനങ്ങളുടെ സ്വത്ത്​ യു.എ.ഇ മരവിപ്പിച്ചിരുന്നു. ഷെട്ടിയുടെ ഭാര്യയെ എന്‍.എം.സിയുടെ ചുമതലയില്‍നിന്ന്​ പുറത്താക്കുകയും ചെയ്​തു.