പാലക്കാട് തൃത്താല ആലൂരില്‍ അമ്മയും കുട്ടികളും കിണറ്റില്‍ മരിച്ച നിലയില്‍.
പട്ടാമ്പി: തൃത്താല ആലൂരില്‍ യുവതിയേയും രണ്ട് മക്കളേയും വീട്ടിന് സമീപത്തെ കിണറ്റില്‍ മരിച്ച നിലയില്‍ കണ്ടെത്തി. ആലൂര്‍ കയറ്റത്തില്‍ ആട്ടയില്‍പ്പടി കുട്ടി അയ്യപ്പന്റെ മകള്‍ ശ്രീജ (28) മക്കളായ അഭിഷേക് (6), അഭിനവ് (4) എന്നിവരേയാണ് വീട്ടുകിണറ്റില്‍ ബുധനാഴ്ച കാലത്ത് 9 മണിയോടെ മരിച്ച നിലയില്‍ കണ്ടെത്തിയത്. ആത്മഹത്യ ആണെന്നാണ് പ്രാഥമിക നിഗമനം. ഇന്നലെ വൈകുന്നേരം മുതല്‍ ഇവരെ കാണാതായിരുന്നു. ബന്ധുക്കള്‍ പോലീസിലും പരാതി നല്‍കിയിരുന്നു
. ഭര്‍ത്താവില്‍ നിന്നും നാല് മാസത്തോളമായി അകന്ന് കഴിയുകയായിരുന്നു ശ്രീജ. ഇതുമായി ബന്ധപ്പെട്ട മനോവിഷമമാണ് ആത്മഹത്യയിലേക്ക് നയിച്ചതെന്നാണ് പ്രാഥമിക നിഗമനം. തൃത്താല പോലീസ്, ഷൊര്‍ണൂര്‍ ഫയര്‍ ആന്റ് റസ്‌ക്യൂ , ജില്ലാ ട്രോമാകെയര്‍ എന്നിവരുടെ നേതൃത്വത്തില്‍ മൃതദേഹങ്ങള്‍ പുറത്തെടുത്തു. പോസ്റ്റ് മോര്‍ട്ടം നടപടികള്‍ക്കായി മൃതദേഹങ്ങള്‍ പാലക്കാട് ജില്ലാ ആശുപത്രിയിലേക്ക് മാറ്റി.