അധ്യാപകർക്കായി കെ ടെറ്റ് മോഡൽ പരീക്ഷ നടത്തി കെ എ ടി എഫ്.

ചാവക്കാട്. അടുത്ത മാസം ആഗസ്‌റ്റ് 8 ന് നടക്കാനിരിക്കുന്ന
കെ ടെറ്റ് പരീക്ഷയുടെ മോഡൽ പരീക്ഷ നടത്തി കേരള അറബിക് ടീച്ചേഴ്സ് ഫെഡറേഷൻ തൃശ്ശൂർ ജില്ലാ കമ്മിറ്റി അധ്യാപകർക്ക് കൈതാങ്ങായി.
കേരളത്തിൽ 14 ജില്ലകളിലും കെ എ ടി എഫ് സംസ്ഥാന കമ്മിറ്റിയുടെ നേതൃത്വത്തിൽ ഇതുപോലെയുള്ള മോഡൽ പരീക്ഷകൾ നടന്നു.
സർവ്വീസിലുള്ള അധ്യാപകർക്കായി
വിദ്യാഭ്യാസ വകുപ്പ് നടത്തുന്ന പരീക്ഷയുടെ കാറ്റഗറി 3, 4 വിഭാഗങ്ങൾക്കുള്ള മോഡൽ പരീക്ഷയാണ് നടത്തിയത്.

വിദഗ്ധർ തയ്യാറാക്കിയ ചോദ്യ പേപ്പറിൽ സൈക്കോളജി, കരിക്കുലം അസസ്സ്മെന്റ്, ലാംഗ്വേജ് ഇവയിൽ ഊന്നി നിന്നുകൊണ്ടുള്ള 150 ചോദ്യങ്ങളായിരുന്നു ഉണ്ടായിരുന്നത്.
പരീക്ഷാർത്ഥികൾക്ക് 2:30 മണിക്കൂർ ആണ് ഉത്തരമെഴുതാൻ അനുവദിച്ചത്.
മണത്തല ഗവൺമെൻ്റ് ഹയർ സെക്കൻ്ററി സ്കൂളിലാണ് പരീക്ഷ നടന്നത്
ഒ എം ആർ ഷീറ്റിൽ പരീക്ഷ എഴുതിയതും കൂടുതൽ ചോദ്യങ്ങൾ പരിചയപ്പെട്ടതും വരാനിരിക്കുന്ന പരീക്ഷക്ക് ഏറെ ആത്മവിശ്വാസം നൽകിയെന്ന് മോഡൽ പരീക്ഷ എഴുതിയ അധ്യാപകർ അഭിപ്രായപ്പെട്ടു.

കെ എ ടി എഫ് സംസ്ഥാന അക്കാഡമിക് വിംഗ് അംഗങ്ങളായ കാമിൽ എ.വി ,ആസിയ ചാവക്കാട്,
കെ എ ടി എഫ് തൃശൂർ ജില്ലാ പ്രസിഡന്റ് മുഹ്സിൻ പാടൂർ, ജനറൽ സെക്രട്ടറി അനസ് ബാബു സി, വനിതാവിങ് ജില്ലാ കൺവീനർ യംസീന മരത്തംകോട് എന്നിവർ നേതൃത്വം നൽകി.