തൃശ്ശൂർ ജില്ലയിൽ 7,289 പേർക്ക് കൂടി കോവിഡ് സ്ഥിരീകരിച്ചു

തൃശ്ശൂർ : ജില്ലയിൽ ഞായറാഴ്ച 7,289 പേർക്ക് കൂടി കോവിഡ് 19 സ്ഥിരീകരിച്ചു; കൂടാതെ കോവിഡ്  ബാധിച്ച് ജില്ലയിലെ വിവിധ ആശുപത്രികളിൽ നിലവിൽ ചികിത്സയിലുള്ള 962 പേരും വീട്ടു നിരീക്ഷണത്തിലുള്ള 24,197 പേരും ചേർന്ന് 32,448 പേരാണ് ജില്ലയിൽ ആകെ രോഗബാധിതരായിട്ടുള്ളത്. 1,012 പേർ രോഗമുക്തരായി. ജില്ലയിൽ ഇതുവരെ കോവിഡ് 19 സ്ഥിരീകരിച്ചവരുടെ എണ്ണം 6,18,852  ആണ്. 5,82,912 പേരെയാണ് ആകെ രോഗമുക്തരായി ഡിസ്ചാർജ്  ചെയ്തത്. 

        ജില്ലയിൽ ഞായറാഴ്ച സമ്പർക്കം വഴി 7,236 പേർക്കാണ് രോഗം സ്ഥിരീകരിച്ചത്. കൂടാതെ  സംസ്ഥാനത്തിനു പുറത്തു നിന്നും വന്ന 04 പേർക്കും, ആരോഗ്യ പ്രവർത്തകരായ 39 പേർക്കും, ഉറവിടം അറിയാത്ത 10 പേർക്കും രോഗബാധ ഉണ്ടായിട്ടുണ്ട്.ജില്ലയിൽ ഇന്ന് റിപ്പോർട്ട്  ചെയ്ത 01 ക്ലസ്റ്റർ ചേർത്ത് നിലവിൽ 35 ക്ലസ്റ്ററുകളാണുള്ളത്. ഇതിൽ വിദ്യാഭ്യാസ സ്ഥാപനങ്ങൾ, ഹോസ്റ്റലുകൾ,  ആരോഗ്യ സ്ഥാപനങ്ങൾ, പോലീസ് സ്റ്റേഷൻ എന്നിവ ഉൾപ്പെടുന്നു.

10,444 സാമ്പിളുകളാണ് പരിശോധനയ്ക്ക് എടുത്തത്. ഇതിൽ 1,780   പേർക്ക് ആന്‍റിജൻ പരിശോധനയും, 8,470 പേർക്ക് ആർടി പിസിആർ  പരിശോധനയും, 194 പേർക്ക്  സിബിനാറ്റ്/ട്രുനാറ്റ്/പിഒസി പിസിആർ/ആർടി ലാംപ് പരിശോധനയുമാണ് നടത്തിയത്. ജില്ലയിൽ ഇതുവരെ ആകെ 40,91,506 സാമ്പിളുകളാണ് പരിശോധനയ്ക്ക് അയച്ചത്.  ജില്ലയിൽ ഇതുവരെ 47,97,209 ഡോസ് കോവിഡ് 19 വാക്സിൻ വിതരണം ചെയ്തു. ഇതിൽ 25,45,064 പേർ ഒരു ഡോസ് വാക്സിനും, 21,91,796 പേർ രണ്ട് ഡോസ് വാക്സിനും സ്വീകരിച്ചു. ജില്ലയിൽ 60,349 പേർ കരുതൽ  ഡോസ് വാക്സിൻ സ്വീകരിച്ചു. 1,11,153 കുട്ടികളാണ് (15-18 വയസ്സ്) ജില്ലയിൽ ഇതുവരെ കോവിഡ്  പ്രതിരോധ വാക്സിൻ സ്വീകരിച്ചത്.