കേളപ്പജി പുരസ്കാരം ചൊവ്വല്ലൂർ കൃഷ്ണൻകുട്ടിയ്ക്ക് സമ്മാനിച്ചു.
ഗുരുവായൂർ: ക്ഷേത്രപ്രവേശന സത്യാഗ്രഹ സ്മാരക സമിതിയുടെ കേളപ്പജി പുരസ്കാരം കവി ചൊവ്വല്ലൂർ കൃഷ്ണൻകുട്ടിയ്ക്ക് സമ്മാനിച്ചു. 5001/- രൂപയും ,ശിൽപ്പവും, പ്രശസ്തിപത്രവും,പൊന്നാടയും അടങ്ങുന്നതാണ് പുരസ്കാരം
കേളപ്പജിയുടെ അമ്പതാം ചരമവാർഷിക ദിനമായിരുന്ന വ്യാഴാഴ്ച്ചചൊവ്വല്ലൂരിൻ്റെ വസതിയിൽ നടന്ന പുരസ്കാര സമർപ്പണ ചടങ്ങ് ഗുരുവായൂർ ദേവസ്വം ചെയർമാൻ അഡ്വ : കെ.ബി.മോഹൻദാസ് ഉൽഘാടനം ചെയ്തു. ഗുരുവായൂർ ക്ഷേത്രം ഊരാളൻ മല്ലിശ്ശേരി പരമേശ്വരൻ നമ്പൂതിരിപ്പാട് അദ്ധ്യക്ഷത വഹിച്ചു . എ.വേണുഗോപാൽ, ജനു ഗുരുവായൂർ, ഷാജു പുതൂർ, ബാലൻ വാറണാട്ട്, ഗുരുവായൂർ ജയപ്രകാശ്, വി.രാജേന്ദ്രൻ, എന്നിവർ സംസാരിച്ചു.
സത്യാഗ്രഹ നവതി ദിനമായ നവംബർ ഒന്നിന് സത്രം അങ്കണത്തിലെ സ്മാരക സ്തൂപത്തിൽ സമിതിയുടെ നേതൃത്വത്തിൽ സാമൂഹിക, സാംസ്കാരിക പ്രവർത്തകർ പുഷ്പാർച്ചന നടത്തി സ്മരണ പുതുക്കും.