ടോറസും കാറും കൂട്ടിയിടിച്ച് ഒരാൾ കൊല്ലപ്പെട്ടു, രണ്ടു പേർക്ക് പരിക്കേറ്റു
ഗുരുവായൂർ :കയ്പമംഗലത്ത് ടോറസ് ലോറിയും കാറും കൂട്ടിയിടിച്ച് ഒരാൾ കൊല്ലപ്പെട്ടു രണ്ടു പേർക്ക് പരിക്കേറ്റു . എരുമപ്പെട്ടി തയ്യൂർ സ്വദേശി ചിങ്ങപുറത്ത് സുരേന്ദ്രൻ (64) ആണ് മരിച്ചത്. സഹ യാത്രികരായ വേലൂർ വെള്ളാറ്റഞ്ഞൂർ വീട്ടിൽ വിഷ്ണു, ചാവക്കാട് കോടതിയിലെ അഭിഭാഷകൻപാവറട്ടി ഉണ്ണി നിവാസിൽ അഡ്വ: വിനോദ് എന്നിവർക്കാണ് പരിക്കേറ്റത്.
നില ഗുരുതരമായതിനാൽ കാർ ഓടിച്ചിരുന്ന വിഷ്ണുവിനെ കൊച്ചിയിലെ ആസ്റ്റർ മെഡി സിറ്റിയിൽ പ്രവേശിപ്പിച്ചു , ഇടുപ്പെല്ലിന് പൊട്ടലേറ്റ അഡ്വ വിനോദിനെ കൊടുങ്ങല്ലൂർ ക്രാഫ്റ്റ് ആശുപത്രിയിൽ ശസ്ത്രക്രിയക്ക് വിധേയനാക്കി .
മരിച്ച സുരേന്ദ്രന് കോടതിയിൽ നടക്കുന്ന കേസിന്റെ ആവശ്യാർഥം തിരുവനന്തപുരത്ത് പോയി തിരിച്ചു വരുന്നതിനിടയിൽ കയ്പമംഗലം സെന്ററിൽ വെച്ച് ഞായർ പുലർച്ചെ യാ യിരുന്നു അപകടം, കാർ പൂർണമായും തകർന്നു കാറിൻറെ ഡ്രൈവർ ഉറങ്ങി പോയതെന്നാണ് സംശയം
