കോഴിക്കോട് സൺഷെയ്ഡ് തകർന്ന് വീണ് മൂന്ന് പേർ മരിച്ചു,
കോഴിക്കോട്: വലിയങ്ങാടിയില് കോണ്ക്രീറ്റ് സണ്ഷെയ്ഡ് തകര്ന്നുവീണ് ഉണ്ടായ അപകടത്തില് മൂന്ന് തൊഴിലാളികള് മരിച്ചു. ലോഡിങ് തൊഴിലാളികളായ ജാബര്, അഷ്റഫ്, ബഷീര് എന്നിവരാണ് മരിച്ചത്. കെട്ടിടം തകര്ന്നുവീണതിനെ തുടര്ന്ന് അടിയില് കുടുങ്ങിക്കിടന്ന അഞ്ചുപേരെ ഉടന് തന്നെ രക്ഷപ്പെടുത്തി ആശുപത്രിയില് എത്തിച്ചെങ്കിലും മൂന്നുപേരുടെ ജീവന് രക്ഷിക്കാന് സാധിച്ചില്ല.
ഗുരുതരമായി പരിക്കേറ്റ മൂന്നുപേരാണ് മരിച്ചത്. പരിക്കേറ്റ രണ്ട് പേര് ചികിത്സയിലാണ്. ഇതിൽ ഒരാളുടെ നില ഗുരുതര മാണ്.
ഇന്ന് രാവിലെയാണ് സംഭവം. കാലപഴക്കം വന്ന കെട്ടിടത്തിന്റെ ഒരു ഭാഗമാണ് തകര്ന്നുവീണത്. ഇത് പൊളിച്ചുമാറ്റണമെന്ന് നാട്ടുകാര് നീണ്ടകാലമായി ആവശ്യപ്പെട്ടിരുന്നു.
കെട്ടിടത്തിന്റെ താഴത്തെ നിലയില് ഗോഡൗണ് ആണ് പ്രവര്ത്തിച്ചിരുന്നത്. ഇവിടെ വരുന്ന സാധന സാമഗ്രികള് മാറ്റുന്നതിനായി നിന്ന തൊഴിലാളികളുടെ മുകളിലേക്കാണ് കെട്ടിടത്തിന്റെ ഒരു ഭാഗം തകര്ന്നുവീണത്.
പഴയ പാസ്പോര്ട്ട് ഓഫീസ് പ്രവര്ത്തിച്ചിരുന്ന കെട്ടിടമാണിത്. ഇതിന് 70 വര്ഷത്തിലേറെ കാലപഴക്കം ഉണ്ടെന്നും നാട്ടുകാര് പറയുന്നു.