ഗുരുവായൂരിൽ ശുദ്ധി ചടങ്ങുകൾ,മേയ് ഒന്നിനും രണ്ടിനും ദർശന നിയന്ത്രണം

ഗുരുവായൂർ : ക്ഷേത്രത്തിൽ മേയ് 1, 2 തീയതികളിൽ ശുദ്ധി ചടങ്ങുകൾ നടക്കും. ശ്രീഗുരുവായൂരപ്പന് മേയ് ഒന്ന് വെള്ളിയാഴ്ച വൈകുന്നേരവും മേയ് 2 ശനിയാഴ്ച രാവിലെയുമാണ് ശുദ്ധി ചടങ്ങുകൾ.

മേയ് 3 ഞായറാഴ്ച ശ്രീ അയ്യപ്പസ്വാമിക്കും മേയ് 4 തിങ്കളാഴ്ച ശ്രീ ഗണപതിക്കും മേയ് 5 ചൊവ്വാഴ്ച ശ്രീ ഭഗവതിക്കും ശുദ്ധി ചടങ്ങുകൾ ഉണ്ടാകും. ശുദ്ധി, ശ്രീഭൂതബലി ചടങ്ങുകൾ നടക്കുന്നതിനാൽ മേയ് I, മേയ് 2 ദിവസങ്ങളിൽ വൈകിട്ട് ദീപാരാധനയ്ക്ക് ശേഷം അത്താഴപൂജ കഴിയുന്നത് വരെ നാലമ്പലത്തിലേക്ക് ഭക്തർക്ക് പ്രവേശനം ഉണ്ടാകില്ല.