സംരംഭകത്വ ബോധ വൽക്കരണ ശില്പശാല

ചാവക്കാട്  : നഗരസഭയിൽ വ്യവസായ വാണിജ്യ വകുപ്പിന്റെ നേതൃത്വത്തിൽ സംഘടിപ്പിച്ച സംരംഭകത്വ ബോധവൽക്കരണ ശില്പശാല നഗരസഭ ചെയർപേഴ്സൺ ഷീജ പ്രശാന്ത് ഉദ്ഘാടനം ചെയ്തു. ഷാഹിന സലിം അധ്യക്ഷത വഹിച്ചു.

അഡ്വക്കേറ്റ് മുഹമ്മദ് അൻവർ എ വി ,പ്രസന്ന രണദിവെ, ഫൈസൽ കാനാമ്പുള്ളി എന്നിവർ സംസാരിച്ചു. സംരംഭകർക്ക് ഡിജിറ്റൽ മാർക്കറ്റിങ്ങിന്റെ സാധ്യതയെക്കുറിച്ച് ഡിജിറ്റൽ മാർക്കറ്റിംഗ് ട്രെയിനർ നെഫല നസീറും സംരംഭകർക്കുള്ള പദ്ധതികളെ കുറിച്ച് ആസിയ അസീസും ക്ലാസുകൾ എടുത്തു.

നഗരസഭ വ്യവസായ വകുപ്പ് ഇ ഡി മാരായ സനിത ആന്റണി, അഞ്ചു സുനിൽ എന്നിവരും നഗരസഭ കൗൺസിലർമാർ, നിരവധി സംരംഭകർ, വ്യവസായ വകുപ്പ് ഉദ്യോഗസ്ഥർ എന്നിവർ പങ്കെടുത്തു.