![](https://malayalamdaily.in/wp-content/uploads/2019/07/rajkumar-wife.jpg)
പോലീസ് കൊലപ്പെടുത്തിയ രാജ്കുമാറിന്റെ ഭാര്യയ്ക്ക് ജോലി; കുടുംബത്തിന് 16 ലക്ഷം രൂപയും
തിരുവനന്തപുരം : പോലീസിന്റെ ക്രൂരമായ പീഡനത്തെ തുടർന്ന് പീരുമേട് ആശുപത്രിയില് മരിച്ച രാജ്കുമാറിന്റെ ഭാര്യയ്ക്ക് സർക്കാർ ജോലി നല്കാന് മന്ത്രിസഭായോഗം തീരുമാനിച്ചു. രാജ്കുമാറിന്റെ നഴ്സിംഗിനു പഠിക്കുന്ന മകള് ജെസ്സി, ബികോമിനു പഠിക്കുന്ന മകന് ജോഷി, ഹൈസ്കൂള് വിദ്യാര്ത്ഥി ജോബി, മാതാവ് കസ്തൂരി എന്നിവര്ക്ക് നാലു ലക്ഷം രൂപ വീതം ആകെ 16 ലക്ഷം രൂപ മുഖ്യമന്ത്രിയുടെ ദുരിതാശ്വാസനിധിയില് നിന്നും സാമ്പത്തിക സഹായം അനുവദിക്കും. തുക കുട്ടികളുടെ പേരില് ദേശസാല്കൃത ബാങ്കില് സ്ഥിര നിക്ഷേപം നടത്തും.
![Astrologer](https://malayalamdaily.in/wp-content/uploads/2022/04/ad_100x700-pixels-01.jpg-scaled.jpg)
പലിശ കുട്ടികളുടെ വിദ്യാഭ്യാസത്തിനും മറ്റു ചെലവുകള്ക്കുമായി രക്ഷാകര്ത്താവിന് പിന്വലിക്കാനാവും. കുട്ടികള്ക്ക് പതിനെട്ട് വയസ്സ് പൂര്ത്തിയാകുമ്പോള് നിക്ഷേപ തുക ലഭിക്കുന്ന വിധത്തിലാണിത്. മാതാവ് കസ്തൂരിയുടെ പേരില് അനുവദിക്കുന്ന തുക ദേശസാല്കൃത ബാങ്കില് സ്ഥിര നിക്ഷേപം നടത്തി അവരുടെ ദൈനംദിന ആവശ്യങ്ങള്ക്ക് ലഭിക്കത്തക്കവിധം അനുവദിക്കാന് ജില്ലാകലക്ടറെ ചുമതലപ്പെടുത്താനും തീരുമാനിച്ചു.
![Vadasheri Footer](https://malayalamdaily.in/wp-content/uploads/2023/07/WhatsApp-Image-2023-07-17-at-10.53.36-PM.jpeg)