ഗുരുവായൂർ ഏകാദശി , പെൻഷൻകാരുടെ വിളംബര ഘോഷയാത്ര 24 ന് വൈകീട്ട്
ഗുരുവായൂർ : ഗുരുവായൂർ ഏകാദശിയോടനുബന്ധിച്ചു 25 മുതൽ തുടങ്ങുന്ന ചുറ്റു വിളക്ക് ആഘോഷങ്ങൾക്ക് മുന്നോടിയായി ദേവസ്വം പെൻഷനേഴ്‌സ് അസോസിയേഷൻ 24 ന് വൈകീട്ട് വിളംബര ഘോഷയാത്ര നടത്തും .വൈകിട്ട് 4 നു കിഴക്കെ നടയിൽ നിന്നും ആരംഭിക്കുന്ന നാമജപ ഘോഷയാത്ര ക്ഷേത്രം പ്രദിക്ഷണം നടത്തി കിഴക്കേ നടയിൽ സമാപിക്കും ഘോഷയാത്രക്ക് ഗുരുവായൂർ മുരളിയുടെ നാദസ്വരം അകമ്പടിയാകും
തുടർന്ന് കാര്യാലയ ഗണപതിക്ക് വിശേഷാൽ പൂജ നടത്തും, തെച്ചിയിൽ ഷണ്മുഖന്റെ വിശേഷാൽ കേളിയും ഉണ്ടാകും . അസോസിയേഷൻ ഭാരവാഹികളായ ബി ഹരികൃഷ്ണ മേനോൻ ,സി വി വിജയൻ , മാധവൻ പൈക്കാട്ട് , ആർ
രാജഗോപാൽ തുടങ്ങിയവർ നേതൃത്വം നൽകും
