വിട വാങ്ങിയ ഗജരത്നം പത്മനാഭൻ അനുസ്മരണ ദിനം ചൊവ്വാഴ്ച
ഗുരുവായൂര്‍: ഗജരത്നം പത്മനാഭന് ഒന്നാം ചരമവാര്‍ഷിക ദിനമായ ചൊവ്വാഴ്ച്ച പുന്നത്തൂര്‍കോട്ടയില്‍ അനുസ്മരണ ദിനം നടത്താന്‍ ദേവസ്വം ഭരണസമിതിയോഗം തീരുമാനിച്ചു. ക്ഷേത്രോത്സവത്തോടനുബന്ധിച്ച് നടത്തിവരുന്ന സഹസ്രകലശം ആരംഭദിനത്തിന് തൊട്ട് മുമ്പ് 26.02.2020-നാണ് പത്മനാഭന് ചരിഞ്ഞത്. പത്മനാഭന്റെ ദീപ്തമായ സ്മരണ നിലനിര്‍ത്തുന്നതിനുവേണ്ടി സ്മാരകം നിര്‍മ്മിക്കും.
എല്ലാവര്‍ഷവും ഉത്സവത്തിന് മുന്നോടിയായി നടത്തിവരുന്ന സഹസ്രകലശത്തിന്റെ ആരംഭദിവസം രാവിലെ അനുസ്മരണം നടത്താനും ഭരണസമിതി തീരുമാനിച്ചു. ഭരണസമിതി യോഗത്തില്‍ ദേവസ്വം ചെയര്‍മാന്‍ അഡ്വ: കെ.ബി. മോഹന്‍ദാസ് അദ്ധ്യക്ഷത വഹിച്ചു. ഭരണസമിതി അംഗങ്ങളായ മല്ലിശ്ശേരി പരമേശ്വരന്‍ നമ്പൂതിരിപ്പാട്, എ.വി. പ്രശാന്ത്, കെ. അജിത്, കെ.വി. ഷാജി, ഇ.പി.ആര്‍ വേശാല ,അഡ്വ; കെ.വി. മോഹനകൃഷ്ണന്‍, അഡ്മിനിസ്േ്രറ്രറ്റര്‍ ടി. ബ്രീജകുമാരി എന്നിവര്‍ പങ്കെടുത്തു
