![](https://malayalamdaily.in/wp-content/uploads/2021/12/palayur-press.jpg)
പാലയൂരില് ”കൃപാഭിഷേകം ബൈബിള് കണ്വെന്ഷന്” 16 മുതല്
ചാവക്കാട്: പാലയൂര് സെന്റ് തോമസ് മേജര് ആര്ക്കി എപ്പിസ്കോപ്പല് തീര്ഥകേന്ദ്രത്തില് 16, 17, 18,19 തിയ്യതികളില് ”പാലയൂര് കൃപാഭിഷേകം- 2021 ” ഇന്റര്നാഷണല് ബൈബിള് കണ്വെന്ഷന് നടത്തുമെന്ന് ആര്ച്ച് പ്രീസ്റ്റ് ഫാ. വര്ഗീസ് കരിപ്പേരി, പ്രീസ്റ്റ് കണ്വീനര് ഫാ.സിന്റോ പൊന്തേക്കന് എന്നിവര് വാർത്ത സമ്മേളനത്തില് അറിയിച്ചു. മരിയന് ധ്യാനകേന്ദ്രം(അണക്കര) ഡയറക്ടര് ഫാ.ഡൊമിനിക് വാളന്മനാല് കണ്വെന്ഷന് നയിക്കും.
![Astrologer](https://malayalamdaily.in/wp-content/uploads/2022/04/ad_100x700-pixels-01.jpg-scaled.jpg)
ദിവസവും വൈകീട്ട് അഞ്ച് മുതല് രാത്രി 9.30 വരെയാണ് കണ്വെന്ഷന്. ദിവസവും കുര്ബാന, ദിവ്യകാരുണ്യ ആരാധന, ജപമാല, വചനശുശ്രൂഷ, വിടുതല് ശുശ്രൂഷ, ഗാനശുശ്രൂഷ എന്നിവ ഉണ്ടായിരിക്കും. 16-ന് തൃശ്ശൂര് അതിരൂപതാ മെത്രാപ്പോലീത്ത മാര് ആന്ഡ്രൂസ് താഴത്ത് ഉദ്ഘാടനം നിര്വ്വഹിക്കും. 19-ന് നടക്കുന്ന സമാപനശുശ്രൂഷയോടെ കണ്വെന്ഷന് സമാപനമാവും.
എല്ലാ വിശ്വാസികളിലേക്കും എത്തിക്കുന്നതിനായി ഓണ്ലൈനിലാണ് കണ്വെന്ഷന് ക്രമീകരിച്ചിരിക്കുന്നതെന്ന് ഭാരവാഹികള് അറിയിച്ചു. ജനറല് കണ്വീനര് ജോയ് ചിറമ്മല്, തീര്ഥകേന്ദ്രം സെക്രട്ടറി സി.കെ.ജോസ്, ഇ.എഫ്.ആന്റണി, റെജി ജെയിംസ്, സി.എം. ജസ്റ്റിന് ബാബു എന്നിവരും വാർത്ത സമ്മേളനത്തില് പങ്കെടുത്തു.
![Vadasheri Footer](https://malayalamdaily.in/wp-content/uploads/2023/07/WhatsApp-Image-2023-07-17-at-10.53.36-PM.jpeg)