ജോസ് കെ. മാണി തോല്‍ക്കാനായി ജനിച്ചവന്‍ : പി ജെ ജോസഫ്
തൃശൂര്‍: പാര്‍ട്ടി ചെയര്‍മാന്‍ പദവി സംബന്ധിച്ച കേസില്‍ തുടര്‍ച്ചയായി പരാജയം നേരിട്ടിട്ടും അഹങ്കാരത്തിെന്‍റ ഭാഷയില്‍ മാത്രം സംസാരിക്കുന്ന ജോസ് കെ. മാണി തോല്‍ക്കാനായി ജനിച്ചവനാണെന്നും രാഷ്ട്രീയരംഗത്ത് കൂടുതല്‍ കനത്ത പരാജയങ്ങള്‍ ജോസ് നേരിടേണ്ടിവരുമെന്നും പി.ജെ. ജോസഫ് പറഞ്ഞു. കേരള കേരളകോണ്‍ഗ്രസ് എം ജില്ല നേതൃസമ്മേളനവും പുഴയ്ക്കല്‍ ബ്ലോക്ക് പഞ്ചായത്ത് പ്രസിഡന്‍റായി െതരഞ്ഞെടുക്കപ്പെട്ട പാര്‍ട്ടി ജില്ല പ്രസിഡന്‍റ് സി.വി. കുരിയാക്കോസിനുള്ള സ്വീകരണവും ഉദ്ഘാടനം ചെയ്യുകയായിരുന്നു അദ്ദേഹം.
തൊഴിലധിഷ്ഠിത വിദ്യാഭ്യാസത്തിലൂടെയും ആധുനിക സാങ്കേതികവിദ്യകള്‍ പ്രയോജനപ്പെടുത്തിയും സംസ്ഥാനത്ത് യുവതലമുറക്ക് കൂടുതല്‍ തൊഴില്‍ അവസരങ്ങള്‍ ലഭ്യമാക്കുന്നതിന് നടപടികള്‍ സ്വീകരിക്കണമെന്നും ജോസഫ് ആവശ്യപ്പെട്ടു. സി.വി. കുര്യാക്കോസ് അധ്യക്ഷതവഹിച്ചു. പാര്‍ട്ടി ഉന്നതാധികാര സമിതിയംഗം തോമസ് ഉണ്ണിയാടന്‍ മുഖ്യപ്രഭാഷണം നടത്തി.
പാലക്കാട് ജില്ല പ്രസിഡന്‍റ് ജോബി ജോണ്‍, ജില്ല നേതാക്കളായ തോമസ് ആന്‍റണി, സി.ടി. പോള്‍, ഇട്ട്യേച്ചന്‍ തരകന്‍, എന്‍.ജെ. ലിയോ, വി. സിദ്ദീഖ് ഹാജി, തോമസ് ചിറമല്‍, മിനി മോഹന്‍ദാസ്, എം.വി. ജോണ്‍, പി.കെ. രവി, കെ.കെ. വിദ്യാധരന്‍, ജോണി ചിറ്റലപ്പിള്ളി, ജോയ്സി ആന്‍റണി, വര്‍ഗീസ് മാവേലി, അഡ്വ. കെ.വി. സെബാസ്റ്റ്യന്‍, ജോണ്‍ കള്ളിയത്ത് മാസ്റ്റര്‍ എന്നിവര്‍ സംസാരിച്ചു.
