ഓൺലൈൻ പഠനത്തിന് 70 മൊബൈലുകൾ നൽകി ചാവക്കാട് എം ആർ ആർ എം ഹയർ സെക്കന്ററി സ്കൂൾ
ചാവക്കാട്: ഓൺലൈൻ പഠനത്തിന് 70 മൊബൈലുകൾ നൽകി ചാവക്കാട് എം ആർ രാമൻ മെമ്മോറിയൽ ഹയർ സെക്കന്ററി സ്കൂൾ.ഓൺലൈൻ പഠനത്തിന് സൗകര്യമില്ലാത്ത 70വിദ്യാർത്ഥികൾക്ക് മാനേജ്മെന്റ്, പി ടി എ, സ്റ്റാഫ്‌ അംഗങ്ങൾ, പൂർവ വിദ്യാർത്ഥികൾ എന്നിവരുടെ കൂട്ടായ ശ്രമത്തിലൂടെ 5 ലക്ഷം രൂപ ചിലവഴിച്ച് മൊബൈൽ ഫോണുകൾ വിതരണം ചെയ്തു.
സ്‌കൂളിൽ വെച്ച് നടന്ന ചടങ്ങ് മാനേജർ എം യു ഉണ്ണികൃഷ്ണൻ ഉൽഘടനം ചെയ്തു. പി ടി എ പ്രസിഡന്റ്‌ ബഷീർ മൗലവി അധ്യക്ഷത വഹിച്ചു. ഹെഡ്മിസ്ട്രസ് കെ എസ് സരിത കുമാരി, പ്രിൻസിപ്പൽ എം ഡി ഷീബ, എം സന്ധ്യ, ഹക്കീം ഇമ്പാർക്, മനോജ്‌ എൻ എസ്, താഹിറ, പി സുമ, എൻ വി മധു എന്നിവർ സംസാരിച്ചു.