ഗുരുവായൂർ : കേരളത്തിൻ്റെ സാംസ്ക്കാരിക അഭിവൃദ്ധിക്ക് (നാടകപ്രസ്ഥാനങ്ങൾ, കഥാപ്രസംഗങ്ങൾ, ചാനലുകൾ, മാപ്പിളപ്പാട്ടുകൾ) പിന്നിൽ പ്രവാസികളുടെ പിന്തുണയാണെന്ന് ആലങ്കോട് ലീലാകൃഷ്ണൻ പറഞ്ഞു.ഗുരുവായൂർ എൻ ആർ ഐ അസോസിയേഷൻ്റെ നേതൃത്യത്തിൽ ഷാബു കിളിത്തട്ടിൽ എഴുതിയ “മാറിയ ഗൾഫും, ഗഫൂർക്കാ ദോസ്തും ” പുസ്തകത്തിൻ്റെ രണ്ടാം പതിപ്പ് പ്രകാശനവും, ചർച്ചയും, പ്രവാസി എഴുത്തുകാരുടെ സംഗമത്തിൽ മുഖ്യപ്രഭാഷണം നടത്തുകയായിരുന്നു അദ്ധേഹം.
പി.ടി. കുഞ്ഞുമുഹമ്മദ് കെ.വി.അബ്ദുൾ ഖാദറിന് നൽകി രണ്ടാം പതിപ്പ് പ്രകാശനം ചെയ്തു.ഗുരുവായൂർ എൻ ആർ ഐ അസോസിയേഷൻ പ്രസിഡണ്ട് അഭിലാഷ്.വി.ചന്ദ്രൻ അദ്ധ്യക്ഷത വഹിച്ചു . കൈരളി ബുക്സ് എം ഡി അശോക് കുമാർ പുസ്തക പരിചയം നടത്തി , പ്രവാസി എഴുത്തുകാരായ റഹ്മാൻ പി.തിരുനെല്ലൂർ, കെ.എസ്.ശ്രുതി, ലത്തീഫ് മമ്മിയൂർ, ഹുസൈൻ ഗുരുവായൂർ, മണി ചാവക്കാട്, കുട്ടി എടക്കഴിയൂർ, കയ്യുമ്മു കോട്ടപ്പടി, പി.വി.ദിലീപ് കുമാർ ഷാബു കിളിത്തട്ടിൽ എന്നിവർ സംസാരിച്ചു.
. അസോസിയേഷൻ സെക്രട്ടറി സുമേഷ് കൊളാടി സ്വാഗതവും, നന്ദി ട്രഷറർ ജമാലുദ്ദീൻ മരട്ടിക്കലും പറഞ്ഞു.കലാസാഹിത്യരംഗത്ത് എഴുത്തിന്റെ സഫലമായ അരനൂറ്റാണ്ട് പിന്നിടുന്ന ആലങ്കോട് ലീലാകൃഷ്ണന് ഗുരവായൂർഎൻ ആർ ഐ അസോസിയേഷൻ്റെ സ്നേഹാദരം മുൻ പ്രസിഡണ്ട് ശശി വാറണാട്ട് നൽകി.
