മാലിന്യമുക്ത നവ കേരളത്തിനായി ജനകീയ ക്യാമ്പയിൻ

ചാവക്കാട് : മാലിന്യമുക്ത നവ കേരളത്തിനായി ജനകീയ ക്യാമ്പയിന്റെ നഗരസഭ തല ഉദ്ഘാടനം നഗരസഭ ചെയർപേഴ്സൺ ഷീജ പ്രശാന്ത് നിർവഹിച്ചു. നഗരസഭ വൈസ് ചെയർമാൻ കെ കെ മുബാറക് അധ്യക്ഷത വഹിച്ചു. വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഷാഹിന സലീം . വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പ്രസന്ന രണദിവെ, പൊതുമരാത്ത് സ്റ്റാൻഡിങ് കമ്മിറ്റി ചെയർമാൻ അഡ്വ. മുഹമ്മദ് അൻവർ എ വി, മുൻ ചെയർമാനും നഗരസഭ കൗൺസിലറുമായ എം ആർ രാധാകൃഷ്ണൻ, നഗരസഭ കൗൺസിലർ ഫൈസൽ കാനാമ്പുള്ളി, വ്യാപാരി വ്യവസായി പ്രതിനിധി സേതുമാധവൻ എന്നിവർ സംസാരിച്ചു .

നഗരസഭ യൂത്ത് കോഡിനേറ്റർ ജാബിർ കെ യു പ്രതിജ്ഞ ചൊല്ലി. നഗരസഭ സീനിയർ പബ്ലിക് ഹെൽത്ത് ഇൻസ്പെക്ടർ ഷമീർ എം , നഗരസഭ കൗൺസിലർമാർ, വ്യാപാരി വ്യവസായ പ്രതിനിധികൾ,നഗരസഭ ജീവനക്കാർ, ഹരിതകർമ്മ സേന അംഗങ്ങൾ, എം ആർ ആർ എം സ്കൂളിലെ എൻ എസ് എസ് വിദ്യാർത്ഥികൾ എന്നിവരും ചേർന്ന് ചാവക്കാട് ടൗൺ പരിസരത്ത് ജനകീയ ശുചീകരണ യജ്ഞം നടത്തുകയും ചെയ്തു.