![](https://malayalamdaily.in/wp-content/uploads/2019/05/kuwait-plane-death.jpg)
കുവൈറ്റില് വിമാനത്തിന്റെ ചക്രത്തിനടിയില്പ്പെട്ട് മലയാളി യുവാവ് കൊല്ലപ്പെട്ടു .
കുവൈറ്റ്: കുവൈറ്റില് വിമാനത്തിന്റെ ചക്രത്തിനടിയില്പ്പെട്ട് മലയാളി യുവാവിന് ദാരുണാന്ത്യം. കുവൈത്ത് അന്താരാഷ്ട്ര വിമാനത്താവളത്തിലാണ് അപകടം ഉണ്ടായത് . തിരുവനന്തപുരം സ്വദേശിയായ ആനന്ദ് രാമചന്ദ്രനാണ് (34) കൊല്ലപ്പെട്ടത് . കുവൈത്ത് എയര്വെയ്സിന്റെ സാങ്കേതിക വിഭാഗത്തിലെ ജീവനക്കാരനായിരുന്നു ആനന്ദ്.
തിങ്കളാഴ്ച വൈകിട്ട് മൂന്നു മണിയോടെ ടെര്മിനല് നാലില് ബോയിങ് 777-300 ഇ ആര് എന്ന വിമാനം പാര്ക്കിങ് ഏരിയയിലേക്ക് മാറ്റുന്നതിനിടെയായിരുന്നു അപകടം നടന്നത്. അപകട സമയത്ത് വിമാനത്തിനുള്ളില് യാത്രക്കാരോ ജീവനക്കാരോ ഉണ്ടായിരുന്നില്ലെന്ന് കുവൈത്ത് എയര്വെയ്സ് അധികൃതര് അറിയിച്ചു.
![Astrologer](https://malayalamdaily.in/wp-content/uploads/2022/04/ad_100x700-pixels-01.jpg-scaled.jpg)
ആനന്ദ് കുടുംബ സമേതം കുവൈത്തിലാണ് താമസിച്ചിരുന്നുത്. തിരുവനന്തപുരം കുറ്റിച്ചല് പുള്ളോട്ടുകോണം സദാനന്ദവിലാസത്തില് രാമചന്ദ്രന്റെയും രാജലക്ഷ്മിയുടെയും മകനാണ്. സംഭവത്തെ കുറിച്ച് വിശദമായ അന്വേഷണം നടത്തുമെന്ന് കുവൈറ്റ് എയര്വേസ് അധികൃതര് അറിയിച്ചു.
. ഭാര്യ: സോഫിന, മകള്: നൈനിക ആനന്ദ്. ഇവര് കുവൈറ്റിലാണുള്ളത്. നടപടിക്രമങ്ങള് പൂര്ത്തിയാക്കി ഉടൻ തന്നെ കുവൈറ്റ് എയര്വേസ് വിമാനത്തില് മൃതദേഹം നാട്ടിലേക്ക് കൊണ്ടു പോകും
![Vadasheri Footer](https://malayalamdaily.in/wp-content/uploads/2023/07/WhatsApp-Image-2023-07-17-at-10.53.36-PM.jpeg)