കോട്ടപ്പടി പള്ളി തിരുനാൾ ജനുവരി ഒന്നിന് ആരംഭിക്കും

ഗുരുവായൂർ : കോട്ടപ്പടി ഇടവക മദ്ധ്യസ്ഥനായ വിശുദ്ധ ലാസറിന്റെയും പരിശുദ്ധ കന്യകാമറിയത്തിന്റെയും വിശുദ്ധ സെബസ്ത്യാനോസിന്റെയും സംയുക്ത തിരുനാൾ 2023 ജനുവരി 1 , 2 , 3 , 4 ദിവസങ്ങളിൽ ആഘോഷിക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു . ഞായറാഴ്ച വൈകീട്ട് 5 ന് പ്രസുദേന്തി വാഴ്ചയും തുടർന്ന് ആഘോഷമായ പാട്ടുകുർബ്ബാനയും നടക്കും ഫാ . ജെയ്സൺ അന്തിക്കാട്ട് മുഖ്യ കാർമ്മികത്വം വഹിക്കും. വൈകീട്ട് 6.45 ന് ദീപാലങ്കാരങ്ങളുടെ സ്വിച്ച്ഓൺ കർമ്മം .എൻ.കെ.അക്ബർ എം എൽ എ നിർവ്വഹിക്കും. തുടർന്ന് ഗുരുവായൂർ മെഗാ മ്യൂസിക് ബാന്റ് അരങ്ങേറും .

തിങ്കളാഴ്ച വൈകീട്ട് 6. ന് നടക്കുന്ന ആഘോഷമായ പാട്ടുകുർബ്ബാനയ്ക്ക് ഷംഷാബാദ് മെത്രാൻ മാർ റാഫേൽ തട്ടിൽ മുഖ്യ കാർമ്മികത്വം വഹിക്കും. തുടർന്ന് നടക്കുന്ന വേസ്പര തിരുക്കർമ്മങ്ങൾക്ക് . ഫാ . ഡേവീസ് പനക്കൽ സി.എം.ഐ. മുഖ്യ കാർമ്മികനാകും ഇടവകയിലെ വൈദികർ സഹകാർമ്മികരാവും തുടർന്ന് വിശുദ്ധരുടെ തിരുസ്വരൂപങ്ങൾ എഴുന്നെള്ളിച്ചു വെക്കൽ . ചൊവ്വാഴ്ച്ച രാവിലെ 6 നും , 8 നുംകുർബ്ബാനയും 10.30 ന് ആഘോഷമായ തിരുനാൾ പാട്ടുകുർബ്ബാനയും നടക്കും. നവ വൈദികൻ . ഫാ . ഡേവീസ് പുലിക്കോട്ടിൽ മുഖ്യ കാർമ്മികനാകും. . ഫാ . സിനോജ് നീലങ്കാവിൽ തിരുന്നാൾ സന്ദേശം നൽകും.

വൈകീട്ട് 4.00 ന് .കുർബ്ബാന തുടർന്ന് തിരുനാൾ പ്രദക്ഷിണവും 10 ന് വിശുദ്ധരുടെ തിരുസ്വരൂപങ്ങൾ എടുത്തുവെക്കൽ ചടങ്ങും നടക്കും.
ബുധൻ രാവിലെ 6.30 ന് മരിച്ചുപോയ ഇടവകാംഗങ്ങൾക്കുവേണ്ടി പാട്ടുകുർബ്ബാന , സെമിത്തേരിയിൽ ഒപ്പീസ് എന്നിവ നടക്കും. കോട്ടപ്പടി പള്ളി അസി വികാരി .ഫാ.ജോമോൻ താണിക്കൽ കാർമ്മികത്വം വഹിക്കും.

വാർത്ത സമ്മേളനത്തിൽ വികാരി ഫാ : ജോയ് കൊള്ളന്നൂർ ,ഫാ : ജോ മോൻ താണിക്കൽ , ജനറൽ കൺവീനർ ജിജോ ജോർജ് ,എൻ എം കൊച്ചപ്പൻ ,ലിന്റോ ചാക്കോ ,സൈസൻ മാറോക്കി ,ഡേവിഡ് വിത്സൺ ,എം വി ബാബു ,സേവ്യർ പനക്കൽ ,സി ആർ യോഹന്നാൻ ,ജോബ് സി ആൻഡ്രുസ് ,ബെന്നി പനക്കൽ എന്നിവർ പങ്കെടുത്തു