1000 by 319 pixels

യുവതി ഇരട്ട കുട്ടികളെ കിണറ്റിലെറിഞ്ഞ്​ കൊലപ്പെടുത്തി.

Star

കോഴിക്കോട്​: നാദാപുരത്ത് ഇരട്ട കുട്ടികളെ കിണറ്റിലെറിഞ്ഞ ശേഷം കിണറ്റിൽ ചാടിയ യുവതിയെ നാട്ടുകാർ രക്ഷപ്പെടുത്തി, ഇരട്ട ക ൾ മരിച്ചു . പേരോട്ടെ മഞ്ഞനാംപുറത്ത് റഫീഖിന്‍റെ ഭാര്യ സുബീന മുംതാസാണ്​ (30) മൂന്നുവയസ്സുള്ള മുഹമ്മദ് റസ്​വിൻ, ഫാത്തിമ റൗഹ എന്നിവരെ കിണറ്റിലെറിഞ്ഞത്. ഇവർക്ക് മാനസികാസ്വാസ്ഥ്യമുള്ളതായി പറയപ്പെടുന്നു. ഇവരെ പിന്നീട് നാദാപുരം പൊലീസ് കസ്​റ്റഡിയിലെടുത്തു. കൊലക്കുറ്റത്തിന്​ കേസെടുത്തിട്ടുണ്ട്​.ഞായറാഴ്ച രാത്രി ഒമ്പത് മണിയോടെയാണ്​ സംഭവം. വീടിനു പിറകുവശത്തെ ആൾതാമസമില്ലാത്ത തറവാട്ടുവീട്ടിലെ കിണറ്റിലാണ്​ കുട്ടികളെ എറിഞ്ഞത്​.

മരണം ഉറപ്പാക്കി പത്തു മണിക്ക് വാണിമേലിലെ ബന്ധുവിനെ ഫോണിലൂടെ വിവരം അറിയിച്ചതിനുശേഷമാണ് ഇവർ കിണറ്റിൽ ചാടിയത്. ബന്ധു സുഹൃത്തിനെയും കൂട്ടി പേരോട്ടെത്തി വീട്ടുകാരെ വിവരം ധരിപ്പിക്കുകയായിരുന്നു. തുടർന്ന് പരിസരത്ത് നടത്തിയ അന്വേഷണത്തിനിടയിലാണ് സുബീനയുടെ കരച്ചിൽ കിണറ്റിൽനിന്ന്​ കേട്ടത്.കിണറ്റിലെ മോട്ടോർ പൈപ്പിൽ പിടിച്ചുനിൽക്കുകയായിരുന്ന സുബീനയെ നാട്ടുകാരും സ്ഥലത്തെത്തിയ ഫയർഫോഴ്സും ചേർന്ന് കരക്കുകയറ്റി. നാട്ടുകാരാണ്​ രണ്ടു കുട്ടികളുടെ മൃതദേഹവും പുറത്തെടുത്തത്​. പോസ്​റ്റ്​മോർട്ടത്തിനുശേഷം കുട്ടികളുടെ മൃതദേഹം മുതാക്കര ജുമാമസ്​ജിദ്​ ഖബർസ്​ഥാനിൽ ഖബറടക്കി. സുബീനയെ നാദാപുരം താലൂക്ക് ആശുപത്രിയിലെത്തിച്ച്​ പ്രാഥമിക ചികിത്സ നൽകി.