ഗുരുവായൂർ അഷ്ടപദി സംഗീതോത്സവം, സെമിനാർ നാളെ

ഗുരുവായൂർ : ദേവസ്വം അഷ്ടപദി സംഗീതോത്സവം ഏപ്രിൽ 18 ശനിയാഴ്ച ക്ഷേത്രം തെക്കേ നട ശ്രീഗുരുവായൂരപ്പൻ ആഡിറ്റോറിയത്തിൽ നടക്കും. അഷ്ടപദി സംഗീതോത്സവത്തിൻ്റെ പ്രാരംഭമായ സെമിനാർ നാളെ ( ഏപ്രിൽ 17, വെള്ളിയാഴ്ച) രാവിലെ 9 ന് നാരായണീയം ഹാളിൽ നടക്കും.

ദേവസ്വം ചെയർമാൻ എ.വി.ഗോപിനാഥ് ഉദ്ഘാടനം നിർവ്വഹിക്കും.ശ്രീശങ്കരാചാര്യ സംസ്കൃത സർവ്വകലാശാല തിരൂർ പ്രാദേശിക കേന്ദ്രത്തിലെ അസോ. പ്രൊഫസർ
ഡോ.സി.കെ. ജയന്തി പ്രബന്ധം അവതരിപ്പിക്കും. പ്രേമഭക്തിയും ഗീതി കാവ്യപ്രസ്ഥാനവും എന്നതാണ് വിഷയം.

തുടർന്ന് സോപാന സംഗീത കലാകാരൻ . ഞെരളത്ത് ശ്രീരാമദാസ് ഗീതഗോവിന്ദത്തിലെ രാഗതാള സങ്കല്പനങ്ങൾ എന്ന വിഷയം അവതരിപ്പിക്കും. ദേവസ്വം വൈദിക-സാംസ്കാരിക പഠനകേന്ദ്രം ഡയറക്ടർ ഡോ.പി.നാരായണൻ നമ്പൂതിരി സെമിനാറിൽ മോഡറേറ്ററാകും.