പിണങ്ങി പോയവരെ തിരിച്ചെടുത്തതിൽ പ്രതിഷേധിച്ച് പൂക്കോട് അഞ്ച് പേർ കോൺഗ്രസിൽ നിന്നും രാജി വെച്ചു
ഗുരുവായൂർ : നഗര സഭ തിരഞ്ഞെടുപ്പിനോടനുബന്ധിച്ച് കോൺഗ്രസ് വിട്ടു പോയവരെ തിരിച്ചെടുത്തതിൽ പ്രതിഷേധിച്ചു പൂക്കോട് മണ്ഡലം കോൺഗ്രസ് വൈസ് പ്രസിഡന്റ് കോമത്ത് നന്ദൻ അടക്കം അഞ്ചു പേര് പാർട്ടിയിൽ നിന്ന് രാജി വെച്ചതായി വാർത്ത സമ്മേളനത്തിൽ അറിയിച്ചു .മണ്ഡലം സേവാദള്‍ പ്രസിഡണ്ടും 34-ാം വാര്‍ഡ് പ്രസിഡണ്ടുമായ സി എസ് സത്യന്‍, ഉണ്ണികൃഷ്ണന്‍ ആലുങ്ങല്‍, ഷാജന്‍ സി പി, സുന്ദരന്‍ കൈപ്പട എന്നിവരാണ് രാജിവെച്ച മറ്റുള്ളവർ . ഇവർ ഒരു വിമത സ്ഥാനാർത്ഥിയെ നിറുത്തി തിരഞ്ഞെടുപ്പ് പ്രവർത്തനം പകുതി നടത്തിയിരുന്നു. അതിനു ശേഷമാണ് കോൺഗ്രസിൽ നിന്നും രാജി വെച്ച് ഇടതു പക്ഷ മുന്നണിയിൽ ചേരുന്നതായി അറിയിച്ചത്
