സംസ്ഥാനത്ത് കൊവിഡ് നിയന്ത്രണങ്ങള് ഒരാഴ്ച കൂടി
തിരുവനന്തപുരം: ടിപിആര് കുറയാത്തതിനാല് സംസ്ഥാനത്ത് കൊവിഡ് നിയന്ത്രണങ്ങള് ഒരാഴ്ച കൂടി തുടരാന് തീരുമാനം. ലോക്ഡൗണ് നിയന്ത്രണങ്ങളെക്കുറിച്ച് വിലയിരുത്താന് മുഖ്യമന്ത്രിയുടെ നേതൃത്വത്തില് ചേര്ന്ന യോഗത്തിലാണ് തീരുമാനം. ടെസ്റ്റ് പോസിറ്റിവിറ്റി നിരക്കിന്റെ അടിസ്ഥാനത്തില് പ്രദേശങ്ങളെ നാലായി തിരിച്ച് ഇളവുകളും നിയന്ത്രണങ്ങളും ഏര്പ്പെടുത്തുന്ന രീതി തുടരും.
പൂജ്യം മുതൽ ആറ് ശതമാനം വരെ എ കാറ്റഗറിയിലും ആറ് മുതൽ 12 ശതമാനം വരെ ബി കാറ്റഗറിയിലും ആയിരിക്കും. 12 മുതൽ 18 ശതമാനം വരെ സി കാറ്റഗറി.18 മുതൽ മുകളിലേക്ക് ഡി കാറ്റഗറി. ടിപിആര് 18 ന് മുകളിലുള്ള പ്രദേശങ്ങളില് ട്രിപ്പിള് ലോക്ക്ഡൌണായിരിക്കും. ടിപിആര് ആറിന് താഴെയുള്ള പ്രദേശങ്ങളില് കൂടുതല് ഇളവുകള് നല്കും. നിലവിൽ ടി.പി.ആര്. 8ന് താഴെയുള്ള 313, ടി.പി.ആര്. 8നും 16നും ഇടയ്ക്കുള്ള 152, ടി.പി.ആര്. 24ന് മുകളിലുള്ള 24 എന്നിങ്ങനെ തദ്ദേശ സ്വയംഭരണ പ്രദേശങ്ങളുമാണുള്ളത്.
