ചെമ്പൈ സംഗീതോത്സവം സുവർണ്ണ ജൂബിലി:സംഘാടക സമിതി രൂപീകരണ യോഗം ജൂൺ 17ന്

ഗുരുവായൂർ വിശ്വ പ്രസിദ്ധമായ ഗുരുവായൂർ ദേവസ്വം ചെമ്പൈ സംഗീതോത്സവത്തിൻ്റെ സുവർണ ജൂബിലി ആഘോഷങ്ങളുടെ വിജയകരമായ നടത്തിപ്പിനായി ദേവസ്വം ആഭിമുഖ്യത്തിൽ ജൂൺ 17 ചൊവ്വാഴ്ച വൈകിട്ട് 4 മണിക്ക് സംഘാടക സമിതി രൂപീകരണ യോഗം ചേരും.

ദേവസ്വം കാര്യാലയത്തിലെ കുറൂരമ്മ ഹാളിൽ ചേരുന്ന യോഗത്തിൽ ദേവസ്വം ചെയർമാൻ ഡോ.വി.കെ.വിജയൻ അധ്യക്ഷനാകും. യോഗത്തിൽ പങ്കെടുക്കുന്നതിനായി ഭക്തജനങ്ങളുടെയും സംഗീതാസ്വാദകരുടെയും സാന്നിധ്യമുണ്ടാകണമെന്ന് ദേവസ്വം ചെയർമാൻ ഡോ.വി.കെ.വിജയനും അഡ്മിനിസ്ട്രേറ്റർ ഒ.ബി.അരുൺകുമാറും അഭ്യർത്ഥിച്ചു