ചാവക്കാട് : ദേശീയ ആയുർവേദ ദിനാചരണത്തോടനുബന്ധിച്ച് ചാവക്കാട് നഗരസഭയും ഭാരതീയ ചികിത്സാ വകുപ്പും സംയുക്തമായി ആയുഷ് ആയുർവേദ പ്രാഥമികാരോഗ്യകേന്ദ്രത്തിന്റെ നേതൃത്വത്തിൽ ആയുർവേദ ദിനാചരണം നടത്തി . ബ്ലാങ്ങാട് ജി. എഫ്.യു. പി. സ്കൂളിൽ എൻ. കെ.അക്ബർ എംഎൽഎ ഉദ്ഘാടനം ചെയ്തു.നഗരസഭ ചെയർപേർസൺ ഷീജ പ്രശാന്ത് അധ്യക്ഷത വഹിച്ചു.
വൈസ് ചെയർമാൻ കെ. കെ.മുബാറക്, സ്റ്റാൻഡിങ് കമ്മിറ്റി ചെയർമാൻമാരായ ബുഷറ ലത്തീഫ്, പി.എസ്. അബ്ദുൽ റഷീദ്, അഡ്വ. എ വി മുഹമ്മദ് അൻവർ,പ്രസന്ന രണദിവെ, ഷാഹിന സലീം , കൗൺസിലർ കെ. വി.സത്താർ, വാർഡ് കൗൺസിലർ കെ പി രഞ്ജിത്ത് കുമാർ,ആയുർവേദ മെഡിക്കൽ ഓഫീസർ ഡോ. ഷബ്ന കൃഷ്ണൻ തുടങ്ങിയവർ സംസാരിച്ചു.ആയുർവേദ ദിനാചരണത്തോടനുബന്ധിച്ച് നടത്തിയ പോഷക ഭക്ഷണ പ്രദർശന മത്സരത്തിലെ വിജയികൾക്ക് എംഎൽഎ സമ്മാനങ്ങൾ വിതരണം ചെയ്തു.
