ചാന്ദ്നി ആലപിച്ചത് ‘അതിജീവനത്തിൻ്റെ ‘ കീർത്തനം

ഗുരുവയൂർ : ചെമ്പൈ സംഗീതോത്സവത്തിൽ വിസ്മയമായി ഡോ. ചാന്ദ്നി നായർജന്മനാ പോളിയോ ബാധിച്ചതിന്റെ ശാരീരിക വെല്ലുവിളികളെ ഗുരുവായൂരപ്പ ഭക്തിയും സംഗീതവും മരുന്നാക്കി അതിജീവിച്ച് ഡോ. ചാന്ദ്നി നായർ, ചെമ്പൈ സംഗീതോത്സവ വേദിയിൽ ശ്രോതാക്കളുടെ മനം -കവർന്നു.

ബാംഗ്ലൂരിൽ നിന്നെത്തിയാണ് ഇവർ ശ്രീഗുരുവായൂരപ്പന് മുന്നിൽ സംഗീതാർച്ചന നടത്തിയത്. ചെമ്പൈ സംഗീതോത്സവത്തിൻ്റെ ആറാം ദിനമായ വ്യാഴാഴ്ച രാത്രി ഒമ്പതരയോടെയായിരുനു സംഗീത മണ്ഡപത്തിൽ ചാന്ദ്നിയുടെ നാദാർച്ചന .ഇവരുടെ ആലാപനം സദസ്സിന് പ്രചോദനവും അത്ഭുതവുമായി മാറി.

പട്ടണം സുബ്രഹ്മണ്യ അയ്യരുടെ പ്രശസ്തമായ ‘കോരിനവര’ (രാഗം: രാമപ്രിയ) എന്ന കീർത്തനമാണ് ഡോ. ചാന്ദ്നി ഭാവസാന്ദ്രമായി ആലപിച്ചത്. ശ്രുതിശുദ്ധവും ഭക്തിനിർഭരവുമായ ആലാപനത്തിലൂടെ ശ്രോതാക്കളുടെ നിറഞ്ഞ കൈയ്യടി നേടിയാണ് ഇവർ വേദി വിട്ടത്. തിരുവിഴ ഉല്ലാസ് വയലിനിലും , കുഴൽമന്ദം രാമകൃഷ്ണൻ മൃദംഗത്തിലും അകമ്പടിയായി.