എ ഐ വൈ എഫ് അഞ്ഞൂറോളം പച്ചക്കറി കിറ്റുകള്‍ വിതരണം ചെയ്തു.
ഗുരുവായൂര്‍ : കൊവിഡ് മഹാമാരിയുടെ കാലത്ത് ദുരിതമനുഭവിക്കുന്ന അഞ്ഞൂറോളം പേര്‍ക്ക് പച്ചക്കറി കിറ്റുകള്‍ വിതരണം ചെയ്ത് എഐവൈഎഫ്. തൈക്കാട് മേഖലാ കമ്മിറ്റിയുടെ ആഭിമുഖ്യത്തിലാണ് മേഖലയില്‍ അര്‍ഹരായവരുടെ കുടുംബങ്ങളിലേക്ക് കിറ്റുകള്‍ നല്‍കിയത്. ചക്കംകണ്ടം കായല്‍കടവില്‍ നടന്ന പരിപാടി നാട്ടിക എംഎല്‍എ സിസി മുകുന്ദന്‍ ഉദ്ഘാടനം ചെയ്തു.
. മേഖല പ്രസിഡണ്ട് ജിതിന്‍ ചന്ദ്രന്‍ അധ്യക്ഷനായിരുന്നു. സിപിഐ മണലൂര്‍ മണ്ഡലം അസിസ്റ്റന്റ് സെക്രട്ടറി പി എസ് ജയന്‍, ലോക്കല്‍ സെക്രട്ടറി കെ കെ അപ്പുണ്ണി, ഗുരുവായൂര്‍ നഗരസഭ സ്ഥിരംസമിതി അധ്യക്ഷന്‍ എ എം ഷെഫീര്‍, എ ഐ വൈ എഫ് മണ്ഡലം പ്രസിഡണ്ട് ധനമോൻ മഠത്തിപറമ്പിൽ, നേതാക്കളായ സാജന്‍, ധനമോഹന്‍, എ ടി ഹാഷിം, റഹീം പാലുവായ്, ഉമ്മർ, മിഥുന്‍ ചന്ദ്രന്‍ തുടങ്ങിയവര്‍ പങ്കെടുത്തു.