കപ്പിയൂര് ചിറയ്ക്കല് ഭഗവതി ക്ഷേത്ര ഉത്സവം 15ന്
ഗുരുവായൂര്: കപ്പിയൂര് ചിറയ്ക്കല് ഭഗവതി ക്ഷേത്രത്തിലെ ഈ വര്ഷത്തെ പൂരമഹോത്സവം 15 ന് ഞായറാഴ്ച്ച സമുചിതമായി ആഘോഷിയ്ക്കുമെന്ന് ക്ഷേത്ര ഭാരവാഹികള് വാര്ത്താസമ്മേളനത്തില് അറിയിച്ചു. പുലര്ച്ചെ 5 മണിയ്ക്ക് വിശേഷാല് പൂജകളോടേയാണ് ചടങ്ങുകള് ആരംഭിയ്ക്കുന്നത്.
ഉച്ചയ്ക്ക് 3.30 ന് ദേവസ്വം പൂരം എഴുന്നെള്ളിപ്പിനുശേഷം, വൈകീട്ട് 17 ഗജവീരന്മാരോടെ നടക്കുന്ന കൂട്ടയെഴുന്നെള്ളിപ്പിന്, കോട്ടപ്പടി സന്തോഷ് മാരാരുടെ മേളപ്രമാണം അകമ്പടിയാകും. തുടര്ന്ന് 10 പറ, 5 പറ, താഴത്തേക്കാവില് വേല, കരിങ്കാളി, പൂതന് തിറ മറ്റ് വേഷങ്ങളും ഉണ്ടായിരിയ്ക്കും. തുടര്ന്ന് രാത്രി 9 മണിയ്ക്ക് വെടിക്കെട്ടും ഉണ്ടായിരിയ്ക്കും. ശേഷം രാത്രി വടയ്ക്കേ നടയ്ക്കല് 18-ാം കര്മ്മം എന്ന വിശേഷാല് പൂജയും, പുലര്ച്ചെ വടക്കേ നടയ്ക്കല് ഗുരുതി തര്പ്പണവും ഉണ്ടായിരിക്കും
വാര്ത്താസമ്മേളനത്തില് പങ്കെടുത്ത ക്ഷേത്ര ഭാരവാഹികളായ കെ.കെ. വിശ്വനാഥന്, പി. ബാലകൃഷ്ണ മേനോന്, ഇ. വേണുഗോപാല്, കെ.എസ്. ശ്രീകൃഷ്ണന്, എം.എസ്. വേണുഗോപാല്, കെ.സി. വേണുഗോപാല് എന്നിവര് പങ്കെടുത്തു.
