ബാലികക്ക് നേരെ ലൈംഗീക അതിക്രമം ,മധ്യ വയസ്‌കന്‌ ജീവിതാവസാനം വരെ തടവ്.
ചാവക്കാട് : ആറു വയസ്സുകാരിയെ ലൈംഗിക പീഡനം നടത്തിയ മധ്യ വയസ്സുകാരന് ട്രിപ്പിൾ ജീവപര്യന്തവും 3 ലക്ഷം രൂപ പിഴയും പിഴ സംഖ്യ അതിജീവിതക്ക് നൽകാനും വിധി . പുന്നയൂർ അകലാട് കല്ലിവളപ്പിൽ അബൂബക്കർ മകൻ ഷെഫീഖ് 43 നെ യാണ് കുന്നംകുളം ഫോക്സോ ജഡ്ജ് എസ് ലിഷ ട്രിപ്പിൾ ജീവപര്യന്തം ( ജീവിതാവസാനം വരെ ) 3 ലക്ഷം രൂപ പിഴയും പിഴസംഖ്യ അതിജീവിതക്ക് നൽകാനും വിധിച്ചത്
2021 ഒക്ടോബറിൽ പല ദിവസങ്ങളിൽ പ്രതിയുടെ വീട്ടിൽ വച്ച് പലപ്പോഴായാണ് ലൈംഗീക അതിക്രമം നടത്തിയത് . കുട്ടിയുടെ ശരീരത്തിലെ പാടുകൾ ശ്രദ്ധയിൽ പെട്ട മാതാവ് ചൈൽഡ് ലൈനിൽ വിവരം അറിയിച്ചതിനെ തുടർന്ന് വടക്കേക്കാട് പോലീസ് കേസ് രജിസ്റ്റർ ചെയ്തതിനുശേഷം കുട്ടിയെ മെഡിക്കൽ ബോർഡിൽ ഹാജരാക്കി കൗൺസിലിംഗ് നടത്തിയിരുന്നു .
വടക്കേക്കാട് സ്റ്റേഷനിലെ വനിതാ ഉദ്യോഗസ്ഥ മിനിത എടുത്ത മൊഴിപ്രകാരം ഇൻസ്പെക്ടർ ആയിരുന്ന അമൃതരംഗൻ ആണ് കേസ് രജിസ്റ്റർ ചെയ്തു അന്വേഷണം നടത്തി കോടതിയിൽ കുറ്റപത്രം സമർപ്പിച്ചത് . പ്രോസിക്യൂഷന് വേണ്ടി സ്പെഷ്യൽ പ്രോസിക്യൂട്ടർ അഡ്വക്കേറ്റ് കെ എസ് ബിനോയ് , അഡ്വക്കേറ്റ് കെ എൻ അശ്വതിയും ഹാജരായി.