ഗുരുവായൂർ ക്ഷേത്ര പരിസരത്ത് നിന്നും ബൈക്ക് മോഷ്ടിച്ച യുവാവ് അറസ്റ്റിൽ

ഗുരുവായൂർ : ഗുരുവായൂർ ക്ഷേത്ര പരിസരത്ത് നിന്നും ഇരുചക്ര വാഹനം മോഷ്ടിച്ച യുവാവിനെ ടെമ്പിൾ പോലീസ് അറസ്റ്റ് ചെയ്തു . ഇടുക്കി അടിമാലി ബേയ്സൻ വാലി കടവനപ്പുഴ വീട് അനിൽ മകൻ അഭിജിത്ത്( 21) നെയാണ് ടെംബിൾ പോലീസ് സ്റ്റേഷൻ ഇൻസ്പെക്ടർ . പ്രേമാനന്ദ കൃഷ്ണന്റെ നിർദ്ദേശപ്രകാരo സ്റ്റേഷൻ സബ് ഇൻസ്പെക്ടർ ഐ.എസ്. ബാലചന്ദ്രൻ അറസ്റ്റ് ചെയ്തത് .

കഴിഞ്ഞ 24 ന് രാത്രിയാണ് കിഴക്കേ നടയിലെ രാമ കൃഷ്ണ ലഞ്ച് ഹോമിന്റെ അരികിലുള്ള ഇടവഴിയിൽ പാർക്ക് ചെയ്തിരുന്ന ഹോണ്ട ഡിയോ മോട്ടോർ സൈക്കിൾ മോഷ്ടിച്ചത് .പാവറട്ടി തൊയക്കാവ് സ്വദേശി നസീർ എന്നയാളുടെ മോട്ടോർ സൈക്കിളാണ് മോഷണം പോയത് . മോഷണം ചെയ്യപ്പെട്ട മോട്ടോർ സൈക്കിൾ കൂട്ട് പ്രതിയായ തിരുവത്ര മത്രംങ്ങോട്ട് ഷൺമുഖൻ മകൻ അമൽ (20 ) ഓടിച്ച് വരവെ കേച്ചേരിയിൽ വെച്ച് പോലീസിനെ കണ്ട് വാഹനം ഉപേക്ഷിച്ച് കടന്ന് കളഞ്ഞിരുന്നു .

അന്വേഷണ സംഘത്തിൽ എസ്.ഐ മാരായ കെ ഗിരി, സി. ജിജോ ജോൺ , എ.എസ്.ഐ .പി.എസ് സാബു , സീനിയർ സിവിൽ പോലീസ് ഉദ്യോഗസ്ഥരായ വി.എം ശ്രീജിത്ത്, ടി. ടോബിൻ, സിവിൽ പോലീസ് ഓഫീസർ സി.എസ്. സജീഷ് എന്നിവർ ഉണ്ടായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു