വിയ്യൂരിൽ കാർ തടഞ്ഞ് കഴുത്തില്‍ കത്തിവെച്ച് കവര്‍ച്ച
തൃശൂർ : കാർ തടഞ്ഞ് കഴുത്തില്‍ കത്തിവെച്ച് കവര്‍ച്ച. മലപ്പുറം കാളികാവ് സ്വദേശി പ്രണവിന്റെ സ്വർണവും പണവും മൊബൈലുമാണ് കവർന്നത്. ബൈക്കിലെത്തിയ സംഘമാണ് കവർച്ച നടത്തിയത്.
സംഭവത്തിൽ വടക്കാഞ്ചേരി സ്വദേശി അനുരാജ് (22) വിയ്യൂർ പോലീസിന്റെ പിടിയിലായി. കൂട്ടുപ്രതിക്കായുള്ള അന്വേഷണം തുടരുകയാണെന്ന് പോലീസ് അറിയിച്ചു. അനുരാജ് സമാനമായ നിരവധി കേസുകളിൽ പ്രതിയാണെന്ന് പോലീസ് പറഞ്ഞു