ചെമ്പൈ സംഗീതോത്സവം, ഓൾ ഇന്ത്യ റേഡിയോ റിലേ തുടങ്ങി.
ഗുരുവായൂർ : ചെമ്പൈ സംഗീതോത്സവത്തിലെ സംഗീത കച്ചേരികൾ ഓൾ ഇന്ത്യ റേഡിയോ റിലേ തുടങ്ങി രാവിലെ 9.30 ഒരുമനയൂർ ഒ കെ സുബ്രമണ്യവും സംഘവും അവതരിപ്പിച്ച നാഗ സ്വര കച്ചേരി യോടെയാണ് റിലേ തുടങ്ങിയത് ,
തുടർന്ന് ശർമ്മിള , കോട്ടക്കൽ ചന്ദ്രശേഖരൻ , സിതാര കൃഷ്ണ മൂർത്തി , ദേവി വാസുദേവൻ (വീണ ) രാജേശ്വരി ശങ്കർ , ആദർശ് വെങ്കിടേശ്വരൻ, കുത്തന്നൂർ മോഹനകൃഷ്ണൻ ,ശിവ ദർശന എന്നിവരുടെ കച്ചേരിയാണ് എ ഐ ആർ റിലേ നടത്തിയത് . വൈകീട്ട് നെടുകുന്നം അനീഷ്റാം , ബൈജു എൻ രജിത്, തുഷാർ എം കെ എന്നിവരുടെ കച്ചേരികളും ഓൾ ഇന്ത്യ റേഡിയോ റിലേ നടത്തി.
വൈകീട്ട് 6.30 മുതൽ ഏഴു വരെ മിനി സ്പെഷൽ കച്ചേരിയിൽ കോട്ടയം ജമനീഷ് ഭാഗവതർ സംഗീതാർച്ചന നടത്തി .കിള്ളി കുറിശ്ശി മംഗളം ഇ പി സുരേഷ് വയലിനിലും , തൃശൂർ ശ്രീനാഥ് മൃദംഗത്തിലും, തൃപ്പുണിത്തുറ ഗോപാല കൃഷ്ണൻ ഘടത്തിലും, തൊടുപുഴ നടരാജൻ മുഖർശംഖിലും പക്കമേളമൊരുക്കി
