ഗുരുവായൂരിൽ വഴിപാടുകളിൽ 62.25 ലക്ഷം രൂപയുടെ റെക്കോർഡ് വരുമാനം
ഗുരുവായൂര്‍: ഗുരുവായൂർ ക്ഷേത്രത്തിൽ തിങ്കളാഴ്ച വഴിപാടുകളിൽ റെക്കോർഡ് വരുമാനം. 62,25,026 രൂപയാണ് വിവിധ വഴിപാടുകളിൽ നിന്നായി ഭഗവാന് ലഭിച്ചത് , ആദ്യമായാണ് ഒറ്റ ദിവസം 62.25 ലക്ഷം രൂപ വഴിപാട് ഇനത്തിൽ ലഭിക്കുന്നത് ഞായറാഴ്ച 54.34 ലക്ഷം രൂപയാണ് ലഭിച്ചത് .
30,26,030 രൂപയുടെ തുലാഭാരം ഉണ്ടായി. 5,84,999 രൂപയുടെ പാല്‍പായസവും 2,41,290 രൂപയുടെ നെയ്പായസവും ഭക്തർ ശീട്ടാക്കി വരി നില്‍ക്കാതെ പ്രത്യേക ദര്‍ശനത്തിനുള്ള 4500 രൂപയുടെ നെയ്‌വിളക്ക് വഴിപാട് 94 പേരും 1000 രൂപയുടേത് 975 പേരും ശീട്ടാക്കി.839 കുരുന്നുകളുടെ ചോറൂണും ഉണ്ടായി. 4 വിവാഹങ്ങൾ മാത്രമെ ശീട്ടാക്കിയിരുന്നുള്ളു .പെരുന്നാൾ അവധി കാരണം വൻ ഭക്ത ജനത്തിരക്കാണ് ഗുരുവായൂരിൽ അനുഭവപ്പെടുന്നത്
