എംബി രാജേഷിന്റെ ഭാര്യയുടെ കാലടിയിലെ നിയമനം വിവാദത്തിൽ…
കോഴിക്കോട്: കാലടി സര്വകലാശാലയിലെ മലയാളവിഭാഗത്തില് അസിസ്റ്റന്റ് പ്രൊഫസറായി നിയമിതയായ എം ബി രാജേഷിന്റെ ഭാര്യ നിനിത കണിച്ചേരിയുടെ നിയമനത്തില് ക്രമക്കേടുണ്ടെന്ന് സൂചിപ്പിച്ച് കാലിക്കറ്റ് സര്വകലാശാലയിലെ പ്രൊഫസര് ഡോ. ഉമര് തറമേല്. നിനിത നിയമിക്കപ്പെട്ട തസ്തികയിലേക്കുള്ള അഭിമുഖത്തില് ഭാഷാവിദഗ്ധനെന്ന നിലയില് വിദഗ്ധസമിതി അംഗമായി പങ്കെടുത്തയാളായിരുന്നു ഡോ. ഉമര് തറമേല്.
സര്ക്കാര് കോളേജുകളിലെ അസിസ്റ്റന്റ് പ്രൊഫസര് തസ്തികകളിലേയ്ക്ക് എഴുത്തുപരീക്ഷയും ഇന്റര്വ്യൂവും കഴിഞ്ഞ് പിഎസ്സി പ്രസിദ്ധീകരിച്ച റാങ്ക് പട്ടികയില് നിനിതയുടെ റാങ്ക് 212 ആണ്. ഇതേ റാങ്ക് പട്ടികയില് ഉയര്ന്ന റാങ്ക് നേടിയ, സംസ്കൃത സര്വകലാശാലയുടെ ഇന്റര്വ്യൂവില് പങ്കെടുത്ത ഉദ്യോഗാര്ഥികളെ മറികടന്നാണ് രാജേഷിന്റെ ഭാര്യക്ക് ഒന്നാം റാങ്ക് നല്കിയിരിക്കുന്നതെന്നും ചൂണ്ടിക്കാട്ടുന്നു.
ഉയര്ന്ന അക്കാദമിക മികവും നിരവധി അംഗീകൃത ഗവേഷണ പ്രബന്ധങ്ങളും അധ്യാപന പരിചയമുള്ളവരെയും ഒഴിവാക്കിയാണ് റാങ്ക് പട്ടിക തയ്യാറാക്കിയതെന്ന് യൂണിവേഴ്സിറ്റി ക്യാമ്ബയിന് കമ്മിറ്റിയും ആരോപിച്ചു.
അതേസമയം, കാലടി സംസ്കൃത സര്വ്വകലാശാലയില് മുന് എം.പി എം.ബി. രാജേഷിന്റെ ഭാര്യയെ അസിസ്റ്റന്റ് പ്രഫസറായി നിയമച്ചതിനെതിരെ സേവ് യൂണിവേഴ്സിറ്റി ഫോറം രംഗത്തെത്തി. ചാന്സലറായ ഗവര്ണര്ക്ക് ഫോറം പരാതി നല്കി.