തിരുവെങ്കിടം പാനയോഗം വാദ്യ പുരസ്‌കാരങ്ങള്‍ പ്രഖ്യാപിച്ചു
ഗുരുവായൂര്‍: തിരുവെങ്കിടം പാനയോഗത്തിന്റെ വാദ്യ പുരസ്‌കാരങ്ങള്‍ പ്രഖ്യാപിച്ചു.ഗോപി വെളിച്ചപ്പാട് സ്മാരക പുരസ്‌കാരം(11,111) ചെണ്ടവിദ്വാന്‍ കലാനിലയം ഹരിയ്ക്കും കല്ലൂര്‍ ശങ്കരന്‍ സ്മാരക പുരസ്‌കാരം(5001) തിമില കലാകാരന്‍ കടവല്ലൂര്‍ കുഞ്ഞനും നല്‍കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു.
പാനയോഗത്തിന്റെ 14 ാം വാര്‍ഷികവും ഗോപിവെളിച്ചപ്പാടിന്റെ ചരമദിനവുമായ ആഗസ്ത് ഏഴിന് ഗുരുവായൂരില്‍ നടക്കുന്ന ചടങ്ങില്‍ തന്ത്രി ചേന്നാസ് ദിനേശന്‍ നമ്പൂതിരിപ്പാട് പുരസ്‌കാരങ്ങള്‍ സമ്മാനിക്കും.ഭാരവാഹികളായ ബാലന്‍ വാറണാട്ട്, ഗുരുവായൂര്‍ ജയപ്രകാശ്,ശശി വാറണാട്ട്,എടവന ഉണ്ണികൃഷ്ണന്‍,ഷണ്‍മുഖന്‍ തെച്ചിയില്‍ തുടങ്ങിയവര്‍ പത്രസമ്മേളനത്തില്‍ പങ്കെടുത്തു.