റൂറൽ ബാങ്കിന്റെ നേതൃത്വത്തിൽ ആംബുലൻസ് സർവീസ് ആരംഭിക്കും
ഗുരുവായൂർ: അന്തരിച്ച മുൻ സഹകരണ വകുപ്പ് മന്ത്രി സി.എൻ ബാലകൃഷ്ണന്റെ നാമധേയത്തിൽ ആംബുലൻസ് സർവീസ് ആരംഭിക്കാൻ ചാവക്കാട് ഫർക്ക കോ-ഓപ്പറേറ്റീവ് റൂറൽ ബാങ്കിന്റെ വാർഷിക പൊതുയോഗം തീരുമാനിച്ചു. ബാങ്ക് ഹാളിൽ നടന്ന 74-ാമത് വാർഷിക പൊതുയോഗം പ്രസിഡന്റ് സി.എ ഗോപപ്രതാപൻ ഉദ്ഘാടനം ചെയ്തു.
വൈസ് പ്രസിഡന്റ് പി.വി ബദറുദ്ധീൻ അധ്യക്ഷത വഹിച്ചു. ഡയറക്റ്റർമാരായ പി.കെ അബൂബക്കർ, പി.കെ മോഹനൻ, പി.കെ രാജേഷ്ബാബു, ആർ.കെ നൗഷാദ്, ടി.എ ഷാജി, വി.ബി.അഷറഫ് , ടി.എസ്. സനൂപ്, ഫെബിന നൗഷാദ്, രമ്യ വിജയകുമാർ, ജൗഹാരത്ത് അഷ്‌ക്കർ എന്നിവർ പ്രസംഗിച്ചു.
ബാങ്ക് സെക്രട്ടറി ടി.വിജയകൃഷ്ണൻ സ്വാഗതവും, അസിസ്റ്റന്റ് സെക്രട്ടറി ജെയ്സൺ ജോർജ്ജ് നന്ദിയും പറഞ്ഞു.
