ഗുരുവായൂർ റെയിൽവേ മേൽപ്പാല നിർമ്മാണം അടുത്ത മാസം 10ന് ആരംഭിക്കുമെന്ന്
ഗുരുവായൂർ : റെയിൽവേ മേൽപ്പാല നിർമ്മാണം അടുത്ത മാസം 10ന് ആരംഭിക്കുമെന്ന് റോഡ്സ് ആൻഡ് ബ്രിഡ്ജസ് ഡെവലപ്മെന്റ് കോർപറേഷൻ ഓഫ് കേരള (RBDCK) ജനറൽ മാനേജർ ഗുരുവായൂർ എം എൽ എ എൻ. കെ. അക്ബറിനെ അറിയിച്ചു.
കിഫ്ബി ഫണ്ടിൽ നിന്നും 33 കോടി രൂപയാണ് റെയിൽവേ മേൽപ്പാലം നിർമാണത്തിനായി വകയിരുത്തിയിരിക്കുന്നത്. മേൽപ്പാലവുമായി ബന്ധപ്പെട്ട വിശദമായ പദ്ധതിയും,രൂപരേഖയും ചെന്നൈ ഐ ഐ ടി അംഗീകരിച്ചതാണ്.
മേൽപ്പാലം നിർമ്മാണവുമായി ബന്ധപ്പെട്ട് ഗതാഗത ക്രമീകരണം ഏർപ്പെടുത്തുന്നതിന് ബഹുമാനപെട്ട ജില്ലാ കളക്ടറുടെ സാന്നിധ്യത്തിൽ നവംബർ 4ന് വിവിധ വകുപ്പ് ഉദ്യോഗസ്ഥരുടെയും, തദ്ദേശ സ്ഥാപനങ്ങളിലെ ജനപ്രതിനിധികളുടെയും യോഗം വിളിച്ചു ചേർക്കുമെന്നും എം എൽ എ അറിയിച്ചു.