പൂന്താന ദിനാഘോഷം:സാഹിത്യ സെമിനാർ നടത്തി

ഗുരുവായൂർ : പൂന്താന ദിനാഘോഷത്തിൻ്റെ ഭാഗമായി ഗുരുവായൂർ ദേവസ്വം ആഭിമുഖ്യത്തിൽ സാഹിത്യ സെമിനാർ നടത്തി.നാരായണീയം ഹാളിൽ നടന്ന സെമിനാർ പ്രശസ്ത സാഹിത്യകാരൻ സി.രാധാകൃഷ്ണൻ ഉദ്ഘാടനം ചെയ്തു. ദേവസ്വം ചെയർമാൻ ഡോ.വി.കെ.വിജയൻ അധ്യക്ഷനായി.

മലപ്പുറം ഗവ.കോളേജ് റിട്ട. പ്രൊഫസർ ദേവദാസ് നികുഞ്ജം പ്രബന്ധം അവതരിപ്പിച്ചു. ജില്ലാ ലൈബ്രറി കൗൺസിൽ വൈസ് പ്രസിഡൻ്റ് വി മുരളി മോഡറേറ്ററായി. ദേവസ്വം വേദ- സംസ്കാരിക പഠനകേന്ദ്രം ഡയറക്ടർ ഡോ.പി.നാരായണൻ നമ്പൂതിരി സ്വാഗതം ആശംസിച്ചു. ഡോ.മുരളി പുറനാട്ടുകര നന്ദി രേഖപ്പെടുത്തി