പത്തേമാരിയിൽ ഗൾഫിലേക്ക് കുടിയേറിയ പ്രവാസികൾക്ക് പെൻഷൻ നൽകണം

ഗുരുവായൂർ : പത്തേമാരി പ്രവാസികളുടെ സംഗമം ഗുരുവായൂരിൽ എം.എൽ.എ. എൻ.കെ. അക്ബർ ഉദ്ഘാടനം ചെയ്തു . അര നൂറ്റാണ്ടിലേറെ പ്രവാസ ജിവിതം നയിച്ച മലയാളികളായ നിരവധി പേർ തങ്ങളനുഭവിച്ച സന്തോഷങ്ങളും ദുഃഖങ്ങും ചടങ്ങിൽ പങ്കു വെച്ചു. പത്തേമാരിയിൽ ഗൾഫിലേക്ക് കുടിയേറ്റം നടത്തിയ പ്രവാസികൾക്ക് മരണം വരെ പെൻഷൻ നൽകണമെന്ന് പത്തേമാരി സംഗമം ആവശ്യപ്പെട്ടു.

സാമൂഹിക പ്രവർത്തകൻ കരീം പന്നിത്തടം ആധ്യക്ഷം വഹിച്ചു. ഗുരുവായൂർ ദേവസ്വം ബോർഡ് ചെയർമാൻ ഡോ:വി.കെ.വിജയൻ പത്തേമാരി യാത്രക്കാരെ ആദരിച്ചു. പത്തേമാരി പ്രവാസി സമിതി ജനറൽ സെക്ര ട്ടറി ഷെരീഫ് ഇബ്രാഹിം വിഷയാവതരണവും, സെക്രട്ടറി അനസ്ബി പ്രവർത്തന റിപ്പോർട്ടും അവതരിപ്പിച്ചു.

ന്യൂനപക്ഷ കമ്മീഷൻ മെമ്പർ അഡ്വ:മുഹമ്മദ് ഫൈസൽ സ്മരണികയ്ക്ക് തുടക്കം കുറിച്ചു. ലോക കേരള സഭ മെമ്പർ കബീർ സലാല, സി.എച്ച്.റഷീദ്, കെ.പി.ഉദയൻ , കെ.പി.എ. റഷീദ്, കുഞ്ഞിമുഹമ്മദ് ഹാജി തടാകം, ഡോ:പി.വി.മധു , ബി.കെ.മേനോൻ , അബ്ദു തടാകം തുടങ്ങിയവർ സംസാരിച്ചു