പാലയൂരിൽ കൃപാഭിഷേകം ബൈബിൾ കൺവെൻഷൻ ആരംഭിച്ചു

ചാവക്കാട് : പാലയൂർ മാർ തോമ മേജർ ആർക്കി എപ്പിസ്കോപ്പൽ തീർത്ഥാടന കേന്ദ്രത്തിൽ കൃപാഭിഷേകം പാലയൂർ 2021 ഇന്റർനാഷണൽ ബൈബിൾ കൺവെൻഷന് തുടക്കമായി . ത്യശൂർ അതിരൂപത മെത്രാപോലീത്ത മാർ ആൻഡ്രൂസ് താഴത്ത് വൈകീട്ട് മുഖ്യ കാർമ്മികത്വം വഹിച്ചു കൃപാഭിഷേകം പാലയൂർ കൺവെൻഷൻ ഉദ്ഘാടനം ചെയ്തു.

കൺവെൻഷൻ നയിക്കുന്ന വചനപ്രഘോഷകൻ അണക്കര മരിയൻ ധ്യാന കേന്ദ്രം ഡയറക്ടർ ഫാദർ ഡൊമിനിക് വളന്മനാൽ , ആർച്ച് പ്രീസ്റ്റ് ഫാദർ വർഗീസ് കരിപ്പേരി, സഹ വികാരി ഫാദർ നിർമ്മൽ അക്കര പട്ട്യേക്കൽ, ഫാദർ സിന്റോ പൊന്തേക്കൻ, എന്നിവർ കൺവെൻഷനിൽ സഹകാർമ്മികരായി .

ജനറൽ കൺവീനർ ജോയ് ചിറമ്മൽ , ജോ. ജനറൽ കൺവീനർ സി കെ ജോസ് , സെക്രടറി റെജി ജെയിംസ് . കൈക്കാരന്മാരായ ഇ എഫ് ആന്റണി, എം എൽ ഫ്രാൻസിസ് , തോമസ് കിടങ്ങൻ , ബിനു താണിക്കൽ എന്നിവർ പരിപാടികൾക്ക് നേതൃത്വം നൽകി.