പൈതൃകം സൈനിക ക്ഷേമസമിതിയുടെ ആഭിമുഖ്യത്തില്‍ സൈനികരെ ആദരിക്കും.
ഗുരുവായൂർ : 1971ലെ ബംഗ്ലാദേശ് യുദ്ധത്തില്‍ ഭാരതം പാക്കിസ്ഥാനുമേല്‍ വിജയം നേടിയതിന്റെ സ്മരണക്കായി രാജ്യം ആഘോഷിക്കുന്ന വിജയ്ദിവസിന്റെ ഭാഗമായി പൈതൃകം സൈനിക ക്ഷേമസമിതിയുടെ ആഭിമുഖ്യത്തില്‍ വെള്ളിയാഴ്ച സൈനികരെ ആദരിക്കുമെന്ന് റിട്ട: ബ്രിഗേഡിയര്‍ എന്‍.എ. സുബ്രഹ്മണ്യന്‍, വാര്‍ത്താ സമ്മേളനത്തില്‍ അറിയിച്ചു.
റിട്ട: സുബേദാര്‍ ബാലകൃഷ്ണന്‍ വെന്നിയ്ക്കല്‍, റിട്ട: ക്യാപ്റ്റന്‍ പി.കെ. ജയവര്‍ധനന്‍, എന്‍.സി.സി മേജര്‍ പി.ജെ. സ്റ്റൈജു എന്നിവരെയാണ് ആദരിക്കുന്നത്. സമാദരണസദസ് കിഴക്കെനടയിലെ ഇ.എം.എസ്. സ്‌ക്വയയറില്‍ രാവിലെ 10ന് നഗരസഭ ചെയര്‍മാന്‍ എം. കൃഷ്ണദാസ് ഉദ്ഘാടനം ചെയ്യും. കെ.കെ. വേലായുധന്‍, കെ.സുഗതന്‍, അഡ്വ.രവിചങ്കത്ത് തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു
