ഗുരുവായൂരിൽ നാരായണീയ സപ്താഹം ഡിസംബർ 7 മുതൽ

ഗുരുവായൂർ :ഗുരുവായൂർ ദേവസ്വം നാരായണീയ ദിനാഘോഷത്തിൻ്റെ ഭാഗമായുള്ള നാരായണീയ സപ്താഹം ഡിസംമ്പർ 7 മുതൽ 13 കൂടി ക്ഷേത്രം ആദ്ധ്യാത്മിക ഹാളിൽ നടക്കും. തോട്ടം ശ്യാം നമ്പൂതിരിയും ഡോ.വി.അച്യുതൻകുട്ടിയുമാണ് ആചാര്യൻമാർ. നാരായണീയ ദിനമായ ഡിസംബർ 14 ന് രാവിലെ 5 മണി മുതൽ നടക്കുന്ന സമ്പൂർണ്ണ നാരായണീയ പാരായണത്തിന് ഡോ.വി.അച്യുതൻകുട്ടി നേതൃത്വം നൽകും.

ശ്രീഗുരുവായൂരപ്പൻ്റെ പരമഭക്തനായ മേൽപുത്തൂർ നാരായണ ഭട്ടതിരിപ്പാട് നാരായണീയം രചിച്ച് ശ്രീഗുരുവായൂരപ്പന് സമർപ്പിച്ച വൃശ്ചികം ഇരുപത്തിയെട്ടാം തീയതിയാണ് ദേവസ്വം നാരായണീയ ദിനമായി ആഘോഷിക്കുന്നത്.