ആഴക്കടലിൽ മത്സ്യബന്ധനത്തിനിടെ കുഴഞ്ഞു വീണു മരിച്ചു
ചാവക്കാട് : ആഴക്കടലിൽ മത്സ്യബന്ധനത്തിനിടെ തൊഴിലാളി കുഴഞ്ഞു വീണു മരിച്ചു
മുനമ്പം കഴിപ്പുള്ളി പോണത്ത് കൃഷ്ണൻ മകൻ ജയൻ (62) ആണ് മരിച്ചത്. മുനക്കകടവ് അഴിഴിമുഖത്തിന് 6 കിലോമീറ്റര്‍ പടിഞ്ഞാറ് ആഴക്കടലില്‍ മത്സ്യബന്ധനത്തിനിടെയാണ് ദേഹാസ്വാസ്ഥ്യം ഉണ്ടാവുകയും ഉടന്‍ കുഴഞ്ഞു വീഴുകയുമായിരുന്നു.
വള്ളം ചേറ്റുവ ഹാര്‍ബറില്‍ അടുപ്പിച്ച് ആംബുലന്‍സില്‍ എങ്ങണ്ടിയൂര്‍ എംഐ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. മുനമ്പം സൂര്യ ദേവന്‍ എന്ന വള്ളത്തിലെ തൊഴിലാളിയായിരുന്നു. കോസ്റ്റല്‍ സി ഐ പി.എ ഫൈസല്‍, എസ് ഐ ലോഫി രാജ് , സി പി ഒ ജനീഷ് എന്നിവരുടെ നേതൃത്വത്തില്‍ മേല്‍നടപടികള്‍ പൂര്‍ത്തീകരിച്ചു പോസ്റ്റ് മോര്‍ട്ടത്തിനായി തൃശൂര്‍ മെഡിക്കല്‍ കോളേജിലേക്കു മാറ്റി.