സംസ്ഥാനത്ത് ഇന്ന് 1801 പേര്ക്ക് കോവിഡ് സ്ഥിരീകരിച്ചു.
തിരുവനന്തപുരം : സംസ്ഥാനത്ത് ഇന്ന് 1801 പേര്ക്ക് കോവിഡ് സ്ഥിരീകരിച്ചു. എറണാകുളം, കോട്ടയം, തിരുവനന്തപുരം ജില്ലകളിലാണ് കൂടുതല് രോഗികള്. പ്രായമുള്ളവരേയും കിടപ്പ് രോഗികളേയും കോവിഡില് നിന്നും സംരക്ഷിക്കുക പ്രധാനമാണെന്ന് ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. കോവിഡ് മരണം കൂടുതലും റിപ്പോര്ട്ട് ചെയ്യുന്നത് 60 വയസിന് മുകളിലുള്ളവരിലും പ്രമേഹം, രക്തസമ്മര്ദം തുടങ്ങിയ ജീവിതശൈലീ രോഗങ്ങളുള്ളവരിലുമാണ്. 60 വയസിന് മുകളിലുള്ളവരിലാണ് 85 ശതമാനം കോവിഡ് മരണവും റിപ്പോര്ട്ട് ചെയ്തിട്ടുള്ളത്. ബാക്കി 15 ശതമാനം ഗുരുതരമായ മറ്റ് രോഗങ്ങളുള്ളവരാണ്. വീട്ടില് നിന്നും പുറത്ത് പോകാത്ത 5 പേര്ക്ക് കോവിഡ് മരണം ഉണ്ടായിട്ടുണ്ട്. അതിനാല് തന്നെ കിടപ്പുരോഗികള്, വീട്ടിലെ പ്രായമുള്ളവര് എന്നിവരെ പ്രത്യേകമായി കരുതണം. അവര്ക്ക് കോവിഡ് ബാധിക്കുന്നില്ല എന്ന് ഉറപ്പാക്കണം. പുറത്ത് പോകുമ്ബോള് നിര്ബന്ധമായും വായും മൂക്കും മൂടത്തക്ക വിധം മാസ്ക് ധരിക്കണമെന്നും ആരോഗ്യമന്ത്രി പറഞ്ഞു.
പ്രായമുള്ളവരും മറ്റസുഖമുള്ളവരും വീട്ടിലുണ്ടെങ്കില് പുറത്ത് പോയി വരുന്ന മറ്റുള്ളവരും വളരെയധികം ശ്രദ്ധിക്കണം. അവര് കോവിഡ് മാര്ഗനിര്ദേശങ്ങള് കൃത്യമായി പാലിക്കണം. പുറത്ത് പോകുമ്ബോള് അവരും മാസ്ക് കൃത്യമായി ധരിക്കണം. കൈകള് സോപ്പും വെള്ളവുമുപയോഗിച്ച് കഴുകാതെ അവര് ഇത്തരം വിഭാഗക്കാരുമായി അടുത്തിടപഴകരുത്. ആള്ക്കൂട്ടത്തില് പോകുന്ന എല്ലാവരും മാസ്ക് ധരിക്കുന്നതാണ് നല്ലത്. ഇടയ്ക്കിടയ്ക്ക് കൈകള് സാനിറ്റൈസറോ സോപ്പും വെള്ളവും ഉപയോഗിച്ചോ കൈകള് ശുചിയാക്കേണ്ടതാണ്. പ്രമേഹം, രക്താദിമര്ദം തുടങ്ങിയ ജീവിതശൈലീ രോഗങ്ങളുള്ളവരും, പ്രായമായവരും, ഗര്ഭിണികളും, കുട്ടികളും മാസ്ക് ധരിക്കേണ്ടതാണ്. ഇവര് കോവിഡ് രോഗ ലക്ഷണങ്ങളുണ്ടെങ്കില് പരിശോധന നടത്തണം. ആശുപത്രികളിലും മാസ്ക് നിര്ബന്ധമാണ്. മറ്റ് സുരക്ഷാ മാര്ഗങ്ങളും സ്വീകരിക്കേണ്ടതാണ്.
എല്ലാ ജില്ലകളും കൃത്യമായി കോവിഡ് അവലോകനങ്ങള് തുടരണം. കോവിഡ് രോഗികള് കൂടുന്നത് മുന്നില് കണ്ട് ആശുപത്രി സജ്ജീകരണങ്ങള് സര്ജ് പ്ലാനനുസരിച്ച് വര്ധിപ്പിക്കണം. ഓക്സിജന് ലഭ്യത ഉറപ്പാക്കണം. സ്വകാര്യ ആശുപത്രികളുടെ പ്രത്യേകം യോഗം വിളിക്കുന്നതാണ്. കെയര് ഹോമുകളിലുള്ളവര്, കിടപ്പ് രോഗികള്, ട്രൈബല് മേഖലയിലുള്ളവര് എന്നിവരെ പ്രത്യേകം നിരീക്ഷിക്കണം. കെയര് ഹോമുകള്, വൃദ്ധ സദനങ്ങള് തുടങ്ങിയ പ്രത്യേക പരിചരണം ആവശ്യമുള്ളയിടങ്ങളിലെ ജീവനക്കാരും പ്രത്യേകം ശ്രദ്ധിക്കണം. ഇത്തരക്കാരുമായി ഇടപെടുമ്ബോള് അവര് എന് 95 മാസ്ക് ധരിക്കണം. അവര്ക്ക് കോവിഡ് വരുന്നില്ലെന്ന് ഉറപ്പ് വരുത്തണം. ആര്ക്കെങ്കിലും രോഗലക്ഷണങ്ങളുണ്ടെങ്കില് പരിശോധനയും ചികിത്സയും ഉറപ്പ് വരുത്തേണ്ടതാണ്.
സംസ്ഥാനത്ത് ഇന്ന് 1801 കോവിഡ് കേസുകളാണ് റിപ്പോര്ട്ട് ചെയ്തത്. എറണാകുളം, തിരുവനന്തപുരം, കോട്ടയം ജില്ലകളിലാണ് കോവിഡ് കേസുകള് കൂടുതല്. പരിശോധനകള് വര്ധിപ്പിച്ചിട്ടുണ്ട്. അഡിമിഷന് കേസുകള് ചെറുതായി കൂടുന്നുണ്ട്. എങ്കിലും ആകെ രോഗികളില് 0.8 ശതമാനം പേര്ക്ക് മാത്രമാണ് ഓക്സിജന് കിടക്കകളും 1.2 ശതമാനം പേര്ക്ക് മാത്രമാണ് ഐസിയു കിടക്കകളും വേണ്ടി വന്നിട്ടുള്ളത്. ജനിതക പരിശോധനയ്ക്ക് അയച്ച ഫലങ്ങളില് കൂടുതലും ഒമിക്രോണാണെന്നാണ് കണ്ടെത്തിയിട്ടുള്ളത്. കേന്ദ്ര സര്ക്കാരിന്റെ നിര്ദേശ പ്രകാരം മോക് ഡ്രില് നടത്തുന്നതാണെന്നും മന്ത്രി പറഞ്ഞു.
അതേസമയം, രാജ്യത്ത് കോവിഡ് രോഗികളുടെ എണ്ണത്തില് വന് വര്ധനവ് രേഖപ്പെടുത്തി. കഴിഞ്ഞ 24 മണിക്കൂറില് 6,155 പേര്ക്ക് പുതിയതായി കോവിഡ് സ്ഥിരീകരിച്ചു. ഇതോടെ രാജ്യത്ത്കോവിഡ് ചികിത്സയില് കഴിയുന്നവരുടെഎണ്ണം 31,194 ആയതായി കേന്ദ്ര ആരോഗ്യ മന്ത്രാലയം അറിയിച്ചു.
രാജ്യത്ത് ഇതുവരെ4,47,51,259പേര്ക്ക്ഇതുവരെകോവിഡ് സ്ഥിരീകരിച്ചച്ചതായാണ് ഔദ്യോഗിക കണക്ക്.അഞ്ചിന്മുകളിലാണ് ടെസ്റ്റ് പോസിറ്റിവിറ്റി നിരക്ക്. 5,30,954 പേരാണ് രാജ്യത്ത് ഇതുവരെ കോവിഡ് ബാധിച്ച് മരിച്ചത്.4,41,89,111പേര് ഇതുവരെ രോഗമുക്തരായി. കേന്ദ്ര ആരോഗ്യ മന്ത്രാലയത്തിന്റെ കണക്ക് പ്രകാരം ദേശീയ വാക്സിനേഷന് ഡ്രൈവിന്റെ ഭാഗമായി 220.66 കോടി ഡോസ് കോവിഡ് വാക്സിന്ഇതുവരെ വിതരണം ചെയ്തു.