ചെമ്പൈ സംഗീതോത്സവം ഹൈടെക് ആക്കി , ഇതോടെ സാധാരണക്കാരൻ പുറത്തായി
ഗുരുവായൂർ : ഗുരുവായൂർ ചെമ്പൈ സംഗീതോൽവസം പ്രാദേശിക ചാനലിൽ പ്രക്ഷേപണം ചെയ്യാൻ അനുവദിക്കാത്തതിനാൽ ജില്ലയിലെ ഭൂരിഭാഗം പേർക്കും സംഗീതോത്സവം ആസ്വദിക്കാനുള്ള അവസരം നഷ്ടപ്പെട്ടു . ദേവസ്വം തുടങ്ങിയ യു ട്യൂബ് ചാനൽ വഴി സംഗീതോത്സവം കണ്ടാൽ മതിയെന്നാണ് ദേവസ്വം അധികൃതരുടെ നിലപാട് . അധിക വരുമാനമാണ് ഇത് വഴി ദേവസ്വം ലക്‌ഷ്യം വെക്കുന്നത് .
എന്നാൽ പ്രാദേശിക ചാനൽ വഴി സംഗീതോത്സവം കണ്ടിരുന്ന വീട്ടമ്മമാരും വയോധികരും യു ടൂബിലേക്ക് മാറുമെന്ന് ദേവസ്വം കരുതുന്നത് വിഡ്ഢിത്തമാണ് .കേരളത്തിലെ യുവത ഹൈടെക് ആയെന്നു കരുതി വീട്ടമ്മമാരും വയോധികരും ഹൈടെക് ആണെന്ന് കരുതുന്നവർ വിഡ്ഢികളുടെ സ്വർഗത്തിൽ കഴിയുന്നവരാണ് . സംഗീതത്തിൽ താല്പര്യമുള്ള പല വീടുകളിലും പ്രാദേശിക ചാനലിൽ കൂടി വീട്ട് ജോലിക്കിടെ രാവിലെ മുതൽ രാത്രി വരെ സംഗീതാർച്ചന ആസ്വദിച്ചിരുന്നവരാണ് ഭൂരിഭാഗവും .
സംഗീ തോത്സവം തുടങ്ങിയാൽ ജില്ലയിലെ നാട്ടു വഴിയിൽ കൂടി സഞ്ചരിക്കുമ്പോൾ പല വീടുകളിൽ നിന്നും ചെമ്പൈ സംഗീതോത്സവം ടി വി യിൽ കൂടി ഒഴുകി എത്താറുണ്ട് . യു ട്യൂബ് ചാനലിൽ കൂടിയുള്ള പ്രക്ഷേപണം ലോകത്ത് എല്ലായിടത്തുമുള്ള മലയാളികൾക്ക് ആസ്വദിക്കാൻ കഴിയുമെങ്കിലും നാട്ടിലുള്ള വർക്ക് പ്രാദേശിക ചാനൽ തന്നെയാണ് ആശ്രയം . അവരാരും ഹൈ ടെക് ആയിട്ടില്ല